Ba Niha Heberaiʼo
9 Ba gamabuʼula li siföföna, so gamakhoita ba wamalua halöwö niʼamoniʼö hegöi ba nahia niʼamoniʼö+ ba gulidanö. 2 So nahia si oföna nifasindro ba nose daʼö, tanö bakhania so naha wandru,+ meza awö roti nibaliʼö sumange.+ Lafotöi ia ”Nahia Niʼamoniʼö”.+ 3 Hizaʼi, tanö furi nukha mbaʼa-baʼa si dua+ ba nose daʼö, so nahia böʼö nifotöi ”Nahia Wondrege Niʼamoniʼö”.+ 4 So ba daʼö naha wanunu kumöyö nifazökhi moroi ba ganaʼa+ awö dawöla amabuʼula li+ nifoʼuli anaʼa.+ Bakha ba dawöla andrö, so rumbi anaʼa si no lafoʼösi faoma mana,+ siʼo Gaʼaroni si no irai moliwiö,+ ba kara wanura+ amabuʼula li. 5 Yawa ba detenia so ndra kerubi solakhömi solumöʼö lagö-lagö fangatulö.*+ Hizaʼi, tenga inötönia iadaʼa wozara-zara fanutunö yaʼia.
6 Me no aefa lafazökhi daʼö fefu, möi ndra ere ba nahia siföföna ba nose andrö ero-ero inötö ba wamalua halöwö niʼamoniʼö.+ 7 Ha ere sebua zi tola mangondrasi nahia si mendrua andrö sakali ba zi döfi.+ Iʼohe ndro+ si tobali sumange salahi horönia+ hegöi horö soi andrö+ si no lafalua ba zi lö laʼodödögö. 8 Eheha niʼamoniʼö zangombakha wa lö teboka lala weʼamöi ba nahia niʼamoniʼö sagötö so nasa nose siföföna.+ 9 Ose andrö ha duma-duma ba ginötöda iadaʼa,+ ba moloʼö amakhoita andre so mbuala hegöi sumange nitunu.+ Hizaʼi, tenga daʼö zamoʼahonoa tödö side-ide ba niha samalua halöwö niʼamoniʼö.+ 10 Fefu daʼö ha soʼamakhaita ba niʼa, nibadu, ba ngawalö gowasa fangehao mboto.*+ Amakhoita ba mboto daʼö+ ba moguna ia irugi ginötö si no mutatugöi ba wangatulöʼö fefu hadia ia.
11 Me tohare Keriso tobali ere sebua ba wolohe ngawalö zi sökhi nirasoida iadaʼa, italuʼi nose sabölö moguna ba sabölö moʼahonoa, tenga nifazökhi danga niha mazui niwöwöi ba gulidanö. 12 Möi ia ba nahia niʼamoniʼö, lö iʼohe ndro nambi mazui do nono zawi si matua, hizaʼi donia samösa,+ sakali irugi zi lö aetu, ba wameʼe khöda fangefa* götö-götö waʼara.+ 13 Na möi fangamoniʼö mboto ndro nambi ba do nono zawi si matua,+ hegöi awu nono zawi si alawe nitefe ba högö niha si raʼiö,+ 14 mendrua manö ndro Keriso!+ Börö geheha niʼamoniʼö si lö aetu, ibeʼe waʼaurinia Keriso tobali sumange si lö raʼiö khö Lowalangi. Donia andrö zangehaogö tödöda side-ide moroi ba gamuata si möi zaya-zaya gölö+ irege tola tafalua halöwö niʼamoniʼö khö Lowalangi sauri.+
15 Daʼa mbörö wa tobali ia sangagö talu gotalua ba wawuʼusa li si bohou,+ enaʼö dozi niha nikaoni andrö tola latema mbuʼusa li ba wanema ondröita si lö aetu.+ Tehöli ira ba teʼefaʼö moroi ba horö me so ira barö mbawa mbuʼusa li siföföna börö waʼamatenia.+ 16 Na so mbuʼusa li, moguna itörö waʼamate niha samazökhi buʼusa li daʼö, 17 börö me faʼamate zangaʼaroʼö buʼusa li, ba lö moguna fatua auri nasa zamazökhi buʼusa li daʼö. 18 Andrö wa lö moguna mbuʼusa li siföföna na lö niduwagö ndro. 19 Me no aefa iʼombakhaʼö Moze ngawalö gamakhoita ba Goroisa andrö föna soi daʼö, ihalö ndro nono zawi si matua, do nambi awö nidanö, bu mbiri-biri soyo, ba tanömö hiso,* aefa daʼö itefe gölu-gölu zura andrö hegöi niha sato fefu 20 ba imane, ”Daʼa ndro wawuʼusa li niʼoroiʼö Lowalangi enaʼö miʼoʼö.”+ 21 Itefe nose hegöi ngawalö rumbi niʼogunaʼö ba halöwö niʼamoniʼö.+ 22 Moloʼö Oroisa Moze, arakhagö fefu hadia ia laʼamoniʼö faoma do,+ ba na lö teduwagö ndro, lö hadöi fangefa horö.+
23 Simane daʼö göi+ wangamoniʼö fefu wamaedo+ si so ba zorugo, hizaʼi fefu zi so ba zorugo moguna zumange sabölö sökhi. 24 Lö möi Keriso ba nahia niʼamoniʼö nifazökhi danga niha+ börö me daʼö ha famaedo zindruhunia.+ Iadaʼa, möi ia ba zorugo+ ba wangondrasi Lowalangi tobali salahida.+ 25 Tenga sa iʼaseseʼö wameʼe faʼaurinia tobali sumange, simane ere sebua si möi ba nahia niʼamoniʼö ero röfi+ ba wolohe do si tenga donia. 26 Na simane daʼö, asese tefakao ia iʼotarai me awena tumbu ngaʼötö niha ba gulidanö.* Hizaʼi, ba gamozua götö* daʼa, no iforomaʼö ia sakali irugi zi lö aetu, ibeʼe waʼaurinia tobali sumange ba wangeheta horö.+ 27 Hulö simane niha si no mate sakali irugi zi lö aetu aefa daʼö tehuku, 28 simanö göi Keriso ha sakali mate ia irugi zi lö aetu ba wangefaʼö horö niha sato.+ Feʼasonia dania ba zi dua kali, tenga ba wangeheta horö, hizaʼi ba wangorifi niha sangalui yaʼia soroi ba dödö.+