115 Tenga yaʼaga, he Yehowa, tenga yaʼaga,
Hizaʼi, töimö zinangea manema lakhömi+
Börö waʼomasimö si lö faröi hegöi faʼaduhu.+
2 Böi tehegö lamane soi böʼö,
”Hezo so Lowalangira?”+
3 Ba zorugo so Lowalangima;
Ifalua gofu hadia manö zomasi ia.
4 Moroi ba wirö ba moroi ba ganaʼa lafazökhi nadura andrö,
Nifazökhi danga niha.+
5 So mbawara, ba lö laʼila mohede;+
So hörö ba lö laʼila niha;
6 So dalinga ba lö larongo hadia ia;
So nikhu ba lö laʼago hadia ia.
7 So danga ba lö laʼila mombambaya;
So gahe ba lö laʼila mofanö;+
So dölö-tölö ba lö böla lira.+
8 Simane daʼö dania niha samazökhi yaʼira,+
Awö niha si faduhu tödö khöra.+
9 Yaʼami iraono Gizaraʼeli, mifaduhusi tödö Yehowa;+
Yaʼia zanolo yaʼami ba balusemi ia.+
10 Yaʼami ngaʼötö Gaʼaroni,+ mifaduhusi tödö Yehowa;
Yaʼia zanolo yaʼami ba balusemi ia.
11 Yaʼami sangataʼufi Yehowa, mifaduhusi tödö Yehowa;+
Yaʼia zanolo yaʼami ba balusemi ia.+
12 Itörö tödö Yehowa ndraʼaga ba ifahowuʼö ndraʼaga;
Ifahowuʼö dania ngaʼötö Gizaraʼeli;+
Ifahowuʼö dania ngaʼötö Gaʼaroni.
13 Ifahowuʼö Yehowa niha sangataʼufi yaʼia,
He satua hegöi sawuyu-wuyu.
14 Inönö dania waʼatomi Yehowa,
Yaʼami ba simanö göi ndraonomi.+
15 Yaʼifahowuʼö ami Yehowa,+
Samazökhi banua si yawa awö danö.+
16 Okhöta Yehowa mbanua si yawa,+
Ba no ibeʼe gulidanö ba niha.+
17 Niha si no mate ba lö laʼila lasuno Yehowa;+
Simane daʼö göi zilalö mitou ba lewatö.+
18 Hizaʼi, masuno Yehowa
Iʼotarai iadaʼa irugi zi lö aetu.
Haleluya!