1 Moze

2 Ba awai wamazökhinia banua hegöi tanö awö nösinia* maʼafefu.+ 2 Fatua lö si tebörögö ngaluo si fitu, no iʼasiwai halöwönia* Lowalangi, ba me no irugi ngaluo si fitu, molombase ia moroi ba halöwönia* andrö.+ 3 Aefa daʼö, ifahowuʼö Lowalangi ngaluo si fitu andrö ba ifaduhuʼö wa ngaluo niʼamoniʼö daʼö, börö me molombase Lowalangi ba halöwö nifaluania ba wamazökhi fefu zomasi ia.

4 Daʼö waö-waö me tewöwöi mbanua si yawa awö danö, me ifazökhi Lowalangi Yehowa* danö awö mbanua si yawa.+

5 Lö si tumbu ndruʼu ba danö ba lö sinanö soliwiö, börö me lö nitorugö Lowalangi Yehowa deu ba gulidanö ba lö hadöi niha sonowi. 6 Hizaʼi, so zau si numalö miyawa si otarai danö ba ibasöi dete danö maʼasagörö.

7 Ba iwöwöi niha Lowalangi Yehowa moroi ba dambu.+ Iwuwusi hanu-hanu fangorifi ba dögi nikhunia+ irege tobali sonoso niha andrö.+ 8 Aefa daʼö, ifazökhi sambua kabu ba Gedena+ Lowalangi Yehowa, tanö ba gatumbukha. Ba daʼö ifataro niha niwöwöinia andrö.+ 9 Ba ifatumbuʼö moroi ba danö ngawalö geu si sökhi Lowalangi Yehowa, bua geu si tola muʼa. Ifazökhi geu fangorifi+ ba dalu kabu andrö awö geu famotokhi ba dödö si sökhi ba si lö sökhi.+

10 So nungo nidanö si otarai Gedena sangele ba kabu andrö. Moroi ba daʼö fabali nungo nidanö andrö tobali öfa rozi.* 11 Si oföna töinia Fizona; daʼö nungo nidanö samasui tanö Hawila maʼasagörö, nahia soya anaʼa. 12 Sökhi sibai ganaʼa ba danö daʼö. So göi ba daʼö gitö somuhua* ba kara una. 13 Ungo nidanö si dua töinia Gihona; daʼö nungo nidanö samasui tanö Gusi maʼasagörö. 14 Ungo nidanö si tölu töinia Hideke;*+ daʼö nungo nidanö sangele tanö ba gatumbukha Asiria.+ Ba ungo nidanö si öfa töinia Oiferati.+

15 Ifasao ndra matua andrö Lowalangi Yehowa ba Kabu Edena ba wangehao hegöi ba wondrorogö kabu daʼö.+ 16 Ibeʼe goroisa Lowalangi Yehowa khö ndra matua daʼö, ”Tola öʼa fefu mbua geu si so ba kabu andre irege abusoʼö.+ 17 Hizaʼi, tebai öʼa mbua geu famotokhi ba dödö si sökhi ba si lö sökhi. Öʼa siʼaikö daʼö, ba mate ndraʼugö.”+

18 Aefa daʼö imane Lowalangi Yehowa, ”Lö sökhi ba niha andrö na ha yaʼi-yaʼia. Daʼufazökhi khönia nawö si faböbö khönia sanolo yaʼia.”+ 19 No ifazökhi fefu ngawalö gutu ndruʼu moroi ba danö awö gurifö si hombo Lowalangi Yehowa. Iʼohe gurifö andrö Lowalangi khö ndra matua daʼö enaʼö ifaigi hadia ibeʼe töira. Gofu hadia döi nibeʼenia, daʼö dania zi tobali töi gurifö* andrö.+ 20 Ba ibeʼe fefu döi gurifö nifaliaro, urifö si hombo, ba fefu gutu ndruʼu. Hizaʼi, lö hadöi awö niha andrö si faböbö khönia sanolo yaʼia. 21 Ba ifeförö niha andrö Lowalangi Yehowa, femörö sabölö-bölö. Gasa-gasa wemörönia, ihalö sara döla nosunia Lowalangi, aefa daʼö ibalugö faoma nagole. 22 Moroi ba döla nosu nihalö Lowalangi Yehowa khö ndra matua andrö, ifazökhi samösa ndra alawe ba ifasao khö ndra matua daʼö.+

23 Imane ira matua daʼö,

24 Andrö iröi dania namania niha awö ninania, ba falemba dödönia* khö ngambatönia ba ha sambua boto ira.+ 25 Si lö nukha ndra matua andrö+ hegöi foʼomonia, hizaʼi lö aila ira.