1 Moze
3 Ba no fondrege zonekhe* gulö+ moroi ba zaliwa-liwa ba danö nifazökhi Lowalangi Yehowa. Imane ulö khö ndra alawe andrö, ”Hadia sindruhu no iwaʼö Lowalangi wa tebai miʼa fefu mbua geu si so ba kabu andre?”+ 2 Imane ira alawe andrö khö gulö, ”Tola maʼa mbua geu si so ba kabu andre.+ 3 Hizaʼi, bua geu si so ba dalu kabu,+ no iwaʼö Lowalangi, ’Tebai miʼa, tebai mibabaya. Na mifalua daʼö ba mate ami.’” 4 Imane ulö khö ndra alawe andrö, ”Lö mate ami.+ 5 Sindruhunia, iʼila Lowalangi na miʼa mbua geu daʼö ba iʼanemaiʼö teboka hörömi ba luo daʼö ba tobali ami simane Lowalangi, aboto ba dödömi zi sökhi ba si lö sökhi.”+
6 Ba me ifaigi ira alawe andrö mbua geu daʼö sökhi sibai na muʼa ba adöni dödö wamaigi. Akhari-khari dödö zamaigi. Lö ara, ihalö mbua geu daʼö ba iʼa.+ Aefa daʼö, ibeʼe göi ö woʼomonia si so ba zingania, ba iʼa göi daʼö foʼomonia.+ 7 Ba teboka höröra, ba awena laʼila wa lö nukhara. Börö daʼö, latagu mbulu geu ara ba wombalugö löwi-löwira.+
8 Me ihoho angi ba zi tanö owi, larongo li Lowalangi Yehowa me itörö dalu kabu. Ba labiniʼö ira khö Lowalangi Yehowa ba gotalua geu si so ba kabu andrö. 9 Ikaoni-kaoni ndra matua daʼö Lowalangi Yehowa, ”Hezo ndraʼugö?” 10 Ba gafuriata itema li, ”Urongo-rongo limö ba kabu ba ataʼudo börö me lö nukhagu. Andrö wa ubiniʼödo.” 11 Manofu Lowalangi, ”Haniha zangombakha khöu wa lö nukhamö?+ Hadia no öʼa mbua geu si lö nitehegu khöu?”+ 12 Imane ira matua daʼö, ”Ira alawe andrö nibeʼeu khögu, yaʼia zameʼe ögu bua geu. Daʼö mbörö wa uʼa.” 13 Ba manofu Lowalangi Yehowa khö ndra alawe, ”Hadia zi no öfalua?” Imane ira alawe, ”Ulö andrö zamowöhö yaʼo. Daʼö mbörö wa uʼa.”+
14 Imane Lowalangi Yehowa khö gulö,+ ”Börö me no öfalua daʼa, niʼelifi ndraʼugö moroi ba gotalua gurifö nifaliaro hegöi utu ndruʼu. Öʼananaʼö talu wofanö, ba gawu-gawu göu götö waʼanau nosou. 15 Ba ufaʼudu+ ami+ ndra alawe andrö,+ simanö göi maʼuwumö+ awö maʼuwunia.+ Yaʼia zomama* högöu+ ba yaʼugö zondrou* börö sisinia.”+
16 Imane Lowalangi khö ndra alawe andrö, ”Faʼamarase dania nirasoimö sagötö manabinaʼö. Afökhö khöu woʼono. Ba öʼisö dania woʼomou ba yaʼia zamatörö yaʼugö.”
17 Imane Lowalangi khö Gadamo,* ”No uwaʼö khöu,+ ’Tebai öʼa mbua geu daʼö’, hizaʼi öʼoʼö niwaʼö woʼomou ba öʼa mbua geu daʼö. Börö ndraʼugö wa teʼelifi danö.+ Öʼa mbua danö andrö si fao faʼerege dödö sagötö faʼanau nosou.+ 18 Tumbu goʼo ba danö awö ndruʼu sodoi, ba sinanö ba mbenua göu dania. 19 Aböböi dania mbawau wemanga göu* irege mangawuliʼö tou ba danö, börö me ba daʼö öʼotarai.+ Gawu-gawu ndraʼugö ba tobali zui gawu-gawu dania.”+
20 Aefa daʼö, ibeʼe döi woʼomonia Adamo yaʼia daʼö Khawa,* börö me yaʼia dania zi tobali ina ba niha sauri fefu.+ 21 Ifazökhi Lowalangi Yehowa nukha sanau khö Gadamo hegöi khö woʼomonia ira alawe moroi ba guli gurifö, daʼö laʼonukha.+ 22 Imane Lowalangi Yehowa, ”No tobali simane yaʼita niha andrö, laʼila zi sökhi hegöi si lö sökhi.+ Enaʼö lö ifuli ihalö mbua geu fangorifi andrö+ ba iʼa, ba auri ia sagötö faʼara,*—” 23 Börö daʼö ifofanö ia Lowalangi Yehowa moroi ba Kabu Edena+ ba wangehaogö tanö nifazökhi yaʼia mege.+ 24 Simane daʼö wamofanö Lowalangi niha andrö. Ifataro ndra kerubi+ tanö ba gatumbukha Gedena, ba so wöda soʼalitö nifaligoi sombaʼa lala si numalö ba geu fangorifi.