Sinunö
א [Alef]
3 Lö omasi ira wamalua si lö sökhi;
Latörö lalania.+
4 No öʼoroisi
Enaʼö laʼodödögö wamalua niwaʼömö.+
6 Ba lö aila ndraʼo+
Ba ginötö uʼangeragö goroisamö.
7 Usuno ndraʼugö soroi ba dödögu
Ba ginötö ufahaʼö ndraʼo ba gangetulamö satulö.
8 Uʼoʼö gamakhoitamö.
Böi so ba dödöu wondröi yaʼo.
ב [Bet]
9 Hewisa enaʼö lö mosinegu zi bohou ebua?
Yaʼia na lö iböhöli wangodaligö taromalimö andrö.+
10 Uʼalui ndraʼugö soroi ba dödögu.
Böi tehegö usawö goroisamö.+
12 He Yehowa, yatesuno ndraʼugö;
Fahaʼö ndraʼo ba gamakhoitamö.
13 Ufatunö faoma bewegu
Fefu gangetula niwaʼömö.
16 Uʼomasiʼö goroisamö.
Lö olifu ndraʼo daromalimö.+
ג [Gimel]
17 Yaʼahakhö dödöu genonimö andre,
Enaʼö auri ndraʼo ba uʼoʼö daromalimö.+
18 Bokai hörögu enaʼö anehe ndraʼo
Ngawalö zahöli-höli dödö moroi ba goroisamö.
19 Ha si fatewu ndraʼo ba soi daʼa.+
Böi biniʼö khögu goroisamö.
20 Lö faʼabölögu ero inötö
Börö waʼedönagu ba gangetulamö.
21 Ötegu niha si fayawa,
Yaʼia daʼö niha si göna fangelifi si lö manörö oroisamö.+
22 Heta khögu wangoʼaya ba fangailasi,
Börö me no uʼoʼö wamasugi ba dödö andrö khöu.
23 Hewaʼae modadao ndra sondröniaʼö ba lafatou-tou ndraʼo ba zi lö sökhi,
Lö iböhöli enonimö andre woʼangeragö amakhoitamö.*
ד [Dalet]
25 Tegaölö ndraʼo ba gawu-gawu.+
Rorogö ndraʼo enaʼö aurido simane si no öwaʼö.+
26 Uʼombakhaʼö khöu fefu lalagu ba ötema ligu;
Fahaʼö ndraʼo ba gamakhoitamö.+
28 Lö uʼila mörö börö waʼabu dödö.
Abölöʼö ndraʼo simane si no öwaʼö.
29 Aröuʼö ndraʼo moroi ba lala waʼauri niha si falimo,+
Ba amualagö khögu goroisamö.
30 No uhalö gangetula wa lö faröi ndraʼo.+
Ufaduhuʼö wa sindruhu gangetulamö.
31 Uʼolembai wamasugi ba dödö andrö khöu.+
He Yehowa, böi tehegö afatö dödögu.*+
ה [He]
34 Beʼe khögu waʼaboto ba dödö,
Enaʼö uʼoʼö goroisamö
Ba ufalua ia soroi ba dödö.
36 Farou dödögu ba wangomasiʼö famasugi ba dödö andrö khöu,
Tenga ba wolohi haregu samösa.+
39 Aröuʼö khögu wangoʼaya sataʼu ndraʼo,
Börö me si sökhi gangetulamö.+
40 Hiza, akhari-khari dödögu ba wombaloi fanuturu lala andrö khöu.
Rorogö ndraʼo enaʼö aurido moloʼö faʼatulömö.
ו [Waw]
41 He Yehowa, yaʼurasoi waʼomasimö si lö faröi,+
Fangorifi si otarai ndraʼugö simane si no öfabuʼu;*+
42 Ba utema dania li niha sangoʼaya yaʼo,
Börö me faduhu dödögu ba daromalimö.
43 Böi heta wehede sindruhu moroi ba mbawagu,
Börö me manötöna ndraʼo ba gangetulamö.
44 Lö uböhöli wamalua oroisamö,
Sagötö faʼara.+
46 Udunö-dunö dania wamasugi ba dödö andrö khöu föna ndra razo,
Ba lö aila ndraʼo.+
47 Uʼomasiʼö goroisamö,
Sindruhu-ndruhu wa uʼomasiʼö.+
ז [Zayin]
50 Daʼö zondrara tödögu ba ginötö waʼatosasa,+
No irorogö ndraʼo fehedemö faböi mate ndraʼo.
51 Laʼosindruhugö wangoʼaya yaʼo ira niha sasiliyawa,
Hizaʼi, lö niröigu oroisamö.+
52 He Yehowa, lö olifu ndraʼo gangetulamö andrö si so iʼotarai mböröta,+
Daʼö fefu zi möi fondrara dödögu.+
53 Humola wönugu börö niha si lö sökhi,
Sangerogö oroisamö.+
54 Amaedola zinunö khögu gamakhoitamö andrö
Gofu hezo toröi ndraʼo.*
55 He Yehowa, itörö tödögu döimö na bongi,+
Enaʼö ufalua goroisamö.
56 Daʼö zi toʼölö ufalua
Börö me no uʼoʼö wanuturu lala andrö khöu.
ח [Het]
59 No ufareso lala waʼaurigu,
Enaʼö tola uʼoʼö zui wamasugi ba dödö andrö khöu.+
60 Uʼanemaiʼö ufalua goroisamö+
Ba lö utaha-taha.
61 No ikabi ndraʼo sinali niha si lö sökhi,
Hizaʼi lö olifudo goroisamö.+
62 Maoso ndraʼo ba zi talu mbongi ba wangandrö saohagölö khöu+
Börö gangetulamö satulö andrö.
64 He Yehowa, afönu gulidanö faʼomasimö andrö si lö faröi;+
Fahaʼö ndraʼo ba gamakhoitamö.
ט [Tet]
65 He Yehowa, simane si no öwaʼö ba daromalimö,
No öfalua waʼasökhi dödö khö genonimö andre.
66 Fahaʼö ndraʼo enaʼö so khögu waʼatua-tua si sökhi ba faʼaboto ba dödö,+
Börö me faduhu dödögu ba gamakhoitamö.
68 Si sökhi tödö ndraʼugö+ ba sökhi göi nifaluamö.
Fahaʼö ndraʼo ba gamakhoitamö.+
69 Lataʼunöisi döigu si sökhi ba walimosa ira niha si fayawa,
Hizaʼi uʼoʼö wanuturu lala andrö khöu soroi ba dödögu.
71 Sökhi na tosasa ndraʼo,+
Enaʼö ufahaʼö ndraʼo ba gamakhoitamö.
72 Si sökhi khögu goroisa nibeʼemö andrö,+
Abölö sökhi ia moroi ba zi saribu ngawua firö hegöi anaʼa.+
י [Yod]
73 Tangamö zomböi ba samazökhi yaʼo.
Beʼe khögu waʼaboto ba dödö,
Enaʼö tola ufahaʼö ndraʼo ba goroisamö.+
74 Omuso dödö niha sangataʼufi yaʼugö ba wamaigi yaʼo,
Börö me taromalimö andrö dötönafögu.+
78 Yateʼailasi niha si fayawa,
Börö me lafakao ndraʼo lö börö.*
Hizaʼi uʼangeragö* wanuturu lala andrö khöu.+
79 Yalafuli ira khöu niha sangataʼufi yaʼugö,
Niha sangila famasugi ba dödö andrö khöu.
כ [Kaf]
81 Humulu dödögu ba wombaloi fangorifi andrö moroi khöu,+
Börö me taromalimö andrö dötönafögu.
83 Börö me hulö naha* nidanö sakore ndraʼo si göna simbo,
Hewaʼae simanö, lö olifu ndraʼo gamakhoitamö.+
84 Hawaʼara nasa ibaloi enonimö andre?
Hawaʼara öhuku niha samakao yaʼo?+
85 No lakhao dögi ira niha si fayawa ba wamaʼala yaʼo,
Niha sangosiwawöi oroisamö andrö.
86 Tola mufaduhusi tödö fefu goroisamö.
Tolo ndraʼo! Lafakao ndraʼo lö börö.+
87 Arakhagö laheta ndraʼo ba gulidanö,
Hizaʼi, lö uʼosiwawöi wanuturu lala andrö khöu.
88 Rorogö ndraʼo enaʼö aurido börö waʼomasimö si lö faröi,
Enaʼö tola ufalua wamasugi ba dödö nifaʼemamö.
ל [Lamed]
89 He Yehowa, lö tebulö daromalimö andrö ba zorugo
Sagötö faʼara.+
90 Lö tebulö waʼalöfaröimö götö-götö waʼara.+
No öfoʼahonoa wamazökhi ulidanö enaʼö lö tebulö ia.+
91 Börö gangetulamö, andrö wa so ira* irugi maʼökhö,
Börö me enonimö fefu ira.
92 Na lö omasido goroisamö,
Hasambalö wa si mate ndraʼo ba wamakao si göna khögu.+
93 Lö irai olifu ndraʼo wanuturu lala andrö khöu,
Daʼö zi möi börö wa örorogö waʼaurigu.+
95 Labaloi ndraʼo ira niha si lö sökhi ba wamunu yaʼo,
Hizaʼi, uhaogö wanöngöni famasugi ba dödö andrö khöu.
96 No uʼila wa fefu zoʼahonoa, oi so nolania,
Hizaʼi lö hadöi ola goroisamö.
מ [Mem]
97 Sindruhu-ndruhu uʼomasiʼö goroisamö!+
Ufatou-tou tödögu* bongi maʼökhö.+
98 Börö goroisamö wa abölö atua-tua ndraʼo moroi ba zi faʼudu khögu,+
Daʼö zi fao khögu irugi zi lö aetu.
100 Tohude waʼatua-tuagu moroi ba niha sagalawa döfi,
Börö me uʼoʼö wanuturu lala andrö khöu.
101 Lö omasido wanörö lala niha si lö sökhi,+
Enaʼö tola ufalua daromalimö.
102 Lö uböhöli wamalua angetulamö,
Börö me no öfahaʼö ndraʼo.
104 Na so nifaluagu, uʼodaligö waʼaboto ba dödö moroi ba wanuturu lala andrö khöu.+
Daʼö mbörö wa fatuwu ndraʼo fefu lala si fasala.+
נ [Nun]
106 No möi ndraʼo ba hölu ba hasambalö ufalua,
Ba woloʼö angetulamö satulö.
107 Tefakao sibai ndraʼo.+
He Yehowa, rorogö ndraʼo enaʼö aurido simane si no öwaʼö.+
108 He Yehowa, yaʼomuso dödömö ba wanuno nibeʼegu si no aoha gölö,+
Ba fahaʼö ndraʼo ba gangetulamö.+
109 Lö mamalö so ndraʼo ba mbawa deʼala,
Hizaʼi lö olifu ndraʼo goroisamö.+
110 Lafazökhi dandrawa ira niha si lö sökhi ba wamaʼala yaʼo,
Ba lö uholeʼö ndraʼo moroi ba wanuturu lala andrö khöu.+
112 No uhalö gangetula* ba woloʼö amakhoitamö
Si lö mamalö-malö, irugi gamozua.
ס [Samekh]
115 Miʼofanö yaʼami niha si lö sökhi,+
Enaʼö tola ufalua goroisa Lowalangigu.
118 Ötimbagö fefu niha sangerogö amakhoitamö,+
Börö me si falimo ira ba samalua faya.
119 Ötiboʼö fefu niha si lö sökhi ba gulidanö simane sasao.*+
Andrö wa uʼomasiʼö goroisamö.
120 Manizi mbotogu börö waʼataʼugu khöu;
Muhokha mbugu ba gangetulamö.
ע [Ayin]
121 No ufalua zatulö hegöi sindruhu.
Böi lulu ndraʼo ba danga niha samakao yaʼo!
122 Fabuʼu wa hasambalö ohahau dödö genonimö andre;
Böi tehegö lafakao ndraʼo ira niha si fayawa.
125 Yaʼodo andre enonimö, beʼe khögu waʼaboto ba dödö,+
Enaʼö uʼila wamasugi ba dödö andrö si otarai ndraʼugö.
126 He Yehowa, daʼa ginötö khöu ba wangai angetula,+
Börö me no lasawö goroisamö.
127 Daʼö mbörö wa uʼomasiʼö goroisamö
Töra moroi ba ganaʼa, anaʼa si sökhi.+
פ [Pe]
129 Sahöli-höli dödö wamasugi ba dödö andrö khöu.
Daʼö mbörö wa uʼoʼö.
133 Abeʼeʼö mbekagu ba wehedemö;
Böi tehegö ifatörö ndraʼo ngawalö zi lö sökhi.+
134 Efaʼö* ndraʼo ba danga zamakao,
Ba ufalua wanuturu lala andrö khöu.
136 Lö aetu mowöi dawa hörögu
Börö me lö lafalua goroisamö niha sato.+
צ [Tsade]
138 Sindruhu wamasugi ba dödö andrö nibeʼemö
Ba tola mufaduhusi tödö fefu.
139 Faʼaterou dödögu andrö hulö hola-hola galitö ba dödögu,+
Börö me no laʼolifugö daromalimö si faʼudu khögu.
141 Yaʼodo andre niha nihöndrögö ba niʼailasi;+
Hizaʼi lö olifu ndraʼo wanuturu lala andrö khöu.
143 Hewaʼae ilangögö ndraʼo famakao ba faʼatosasa,
Lö tebulö uʼomasiʼö goroisamö.
144 Atulö wamasugi ba dödö andrö khöu sagötö faʼara.
Beʼe khögu waʼaboto ba dödö+ enaʼö aurido.
ק [Qof]
145 Muʼao ndraʼo soroi ba dödö. He Yehowa, tema ligu.
Uʼoʼö gamakhoitamö.
146 Muʼao ndraʼo khöu; efaʼö ndraʼo!
Ufalua wamasugi ba dödö andrö khöu.
147 Fatua lö tumbu luo, no maoso ndraʼo ba wangandrö fanolo,+
Börö me taromalimö andrö dötönafögu.
149 Fondrondrongo ligu börö waʼomasimö si lö faröi.+
He Yehowa, rorogö ndraʼo enaʼö aurido moloʼö faʼatulömö.
150 Ifahatö ia khögu niha samalua amuata si lö faʼaila;*
Lafandröndröu ira moroi ba goroisamö.
152 Iʼotarai mböröta ufahaʼö ndraʼo wamasugi ba dödö andrö khöu,
No öhonogöi ia enaʼö lö tebulö irugi zi lö aetu.+
ר [Res]
153 Faigi wamakaogu andre ba efaʼö ndraʼo,+
Börö me lö uʼolifugö goroisamö.
155 Fandröndröu wangorifi ba niha si lö sökhi,
Börö me lö laʼalui gamakhoitamö.+
156 Sindruhu wa ebua sibai khöu waʼahakhö dödö yaʼugö Yehowa.+
Rorogö ndraʼo enaʼö aurido, moloʼö faʼatulömö.
157 Ato sibai zamakao ba si faʼudu khögu;+
Hizaʼi, lö uholeʼö ndraʼo moroi ba wamasugi ba dödö andrö khöu.
158 Ufaigi niha si manga mböli ba anuzu dödögu,
Börö me lö laʼoʼö wehedemö.+
159 Hiza, hawaʼomasigu wanuturu lala andrö khöu!
He Yehowa, rorogö ndraʼo enaʼö aurido börö waʼomasimö si lö faröi.+
ש [Sin] mazui [Syin]
162 Omuso dödögu ba wehedemö+
Simane niha sanöndra harato sebua.
164 Fitu kali sahari usuno ndraʼugö
Börö gangetulamö satulö.
165 Sangomasiʼö oroisamö andrö, ba fahöna waʼahono dödö+
Lö hadöi si tobali taha-taha khöra.
166 He Yehowa, khöu udöna-döna wangorifigu,
Ba uʼoʼö goroisamö.
167 Ufalua wamasugi ba dödö andrö khöu,
Ba uʼomasiʼö sibai ia.+
168 Uʼoʼö wanuturu lala ba famasugi ba dödö andrö khöu,
Börö me anehe ndraʼugö fefu nifaluagu.+
ת [Taw]
169 He Yehowa, yaʼofeta khöu weʼaogu ba wangandrö fanolo.+
Beʼe khögu waʼaboto ba dödö moloʼö taromalimö.+
170 Yaʼofeta khöu gangandröwagu.
Efaʼö ndraʼo simane si no öfabuʼu.*
171 Yaʼalua ba mbewegu wanuno yaʼugö,+
Börö me öfahaʼö ndraʼo ba gamakhoitamö.
172 Yamanunö lelagu sanandrösa ba wehedemö,+
Börö me satulö fefu goroisamö.
174 He Yehowa, humulu dödögu ba wombaloi fangorifi moroi khöu,
Ba uʼomasiʼö goroisamö.+
175 Yalötebulö usöndra waʼauri enaʼö tola usunoʼö;+
Yamöi fanologu gangetulamö.