5 Moze
32 ”Fondrondrongo yaʼugö banua si yawa, fahuhuo ndraʼo,
Yaʼirongo ulidanö wehedegu.
2 Tohare wamahaʼögu simane na aekhu deu;
Mowöi wehedegu hulö namo mbanua,
Simane teu awu ba mbulu ndruʼu,
Simane teu sabölö-bölö ba zinanö.
Ututunö waʼabölö Lowalangida!+
5 Yaʼira samösa zamalua si lö sökhi.+
Tenga ononia ira, yaʼira samösa zi fasala.+
Yaʼira andrö niha* si lö sökhi ba sebua horö!+
Hadia tenga Amami ia samazökhi yaʼami?+
Hadia tenga yaʼia zamazökhi ba samataro yaʼami tobali sambua soi?
7 Mitörö tödömi ginötö si no numalö;
Miʼangeragö hadia zalua me döfi silalö.
Misofu khö namami, ba ifatunö dania khömi;+
Khö zondröniaʼö yaʼami, ba laʼombakhaʼö dania khömi.
8 Ba ginötö ibeʼe gondröita ba soi misa Fondrege Zalawa,+
Ba ginötö ifazawili ngaʼötö Gadamo,*+
Itatugöi nola ba soi misa+
Moloʼö faʼato ngaʼötö ndraono Gizaraʼeli.+
11 Simane moyo samadögö-dögö azuninia,
Humombo ia yawa nononia,
Ibologö gafinia ba wangai yaʼira,
Iʼohe ira ba gafinia,+
12 Yehowa zololohe tanga Yakobo,+
Tenga ba lowalangi böʼö fao ia.+
Lowalangi zameʼe khönia wewani moroi ba gahe hili
Ba fanikha moroi ba hili kara,
14 Mentega moroi ba zawi ba susu moroi ba mbiri-biri,
Simanö göi mbiri-biri fondrege zi sökhi,*
Ibeʼe göi khöra mbiri-biri si matua moroi ba Mbazana hegöi nambi si matua,
Ifaogö gandru fondrege zi sökhi;+
Ba öbadu dania nagu moroi ba zindruhu* nagu.
15 Me esolo Yesuru,* fatifa ia ba molawa.
No esolo ia, falawu ba atabö.+
Iröi Lowalangi samazökhi yaʼia,+
Ba iʼaohasi ba dödö Gowe Saro fangorifinia.
16 Laʼandrö wönunia börö me lafosumange lowalangi tanö böʼö;+
Laʼafökhöiʼö dödönia ba ngawalö zi raʼiö.+
17 Labeʼe zumange nitunu khö ndra malaʼika si lö sökhi, tenga khö Lowalangi,+
Khö lowalangi si lö irai laʼila,
Lowalangi si bohou sawena so,
Si lö irai laʼila ira tuami.
19 Me iʼila daʼö Yehowa, itimbagö ira,+
Börö me laʼafökhöiʼö dödönia iraononia.
22 No mohola galitö wönugu+
Si hola ofeta ba Lewatö* sabölö abakha,+
Sanunu ulidanö awö nösinia,
Iraʼi daya-daya hili.
23 Uʼoyaʼö gabula dödö salua khöra;
Uʼefasi khöra fefu nono wanagu.
Ufatenge khöra gurifö samuʼi+
Ba ulö sobiso sanana-nana ba danö.
25 Na baero so ira, föda zameʼe khöra faʼabu dödö;+
Na bakha ba nomo, ihawui ira faʼataʼu,+
He ono matua hegöi ono alawe,
Iraono side-ide hegöi niha satua.+
26 Tola manö umane, ”Ufazawili dania ira misa;
Lö saʼae itörö tödö niha gulidanö ira ubeʼe,”
27 Hizaʼi, mangiwa dödögu ba nifalua nudu,+
Tola manö fasala wangera-ngerara,+
Ba lamane, ”Börö waʼabölöma wa möna ndraʼaga,+
Tenga Yehowa zamalua daʼa fefu.”
30 Hewisa wa tola igohi zi 1.000 niha si ha samösa,
Ba moloi zi 10.000 niha ba zi darua?+
32 Hulö danömö nagu ira moroi ba Zodoma,
Moroi ba kabu Gomora.+
No faruka langu ba mbua nagu khöra,
Ba afeto huge-hugenia.+
33 Idanö nagu khöra hulö mbiso gulö,
Langu saukhu moroi ba daritö.
34 Uʼiröʼö fefu,
Uhaogö wondruhö ba naha wangiröʼö khögu.+
35 Khögu wolau balö ba yaʼo zanguhuku+
Ba ginötö si no mutatugöi, ba ginötö mangiwa gahera,+
Börö me no ahatö ginötö wangohori yaʼira,
Ba lö ara tö, tohare zalua khöra.’
36 Ihuku dania nono mbanuania Yehowa,+
Ba ihakhösi tödö* ndra enoninia+
Na iʼila alö waʼabölöra,
Na hatö niha si tebai ba si lö faʼabölö zi toröi.
37 Imane, ’Hezo so lowalangira,+
Gowe saro nahia folumöʼöra,
38 Si toʼölö manga tawö zumange* nibeʼera,
Samadu idanö nagu moroi ba zumange nibadu nibeʼera?+
Akha tohare ira ba wanolo yaʼami.
Akha tobali ira nahia folumöʼömi.
Yaʼo zamunu ba yaʼo zangorifi.+
Yaʼo zamesokho+ ba yaʼo zamadöhö.+
Lö hadöi si tola mangefaʼö yaʼira moroi ba dangagu.+
40 Ufazawa dangagu ba mbanua si yawa
Ba weʼamöi ba hölu, ”Faya wa no sauri ndraʼo irugi zi lö aetu,”+
41 Na uʼatarösi wödagu si takile,
Ba uhenaigö dangagu ba wanguhuku,+
Usulöni zi faʼudu khögu,+
Ba uhuku niha si fatuwu khögu.
42 Mabu nono wanagu ba ndro,
Do niha nibunu ba niʼoloiʼö,
Ba manga nagole dania wödagu
Moroi ba högö ndra sondröniaʼö udu.’
43 Yaʼami soi böʼö, miʼomusoiʼö dödömi wefao ba nono mbanuania,+
Börö me isulöni ba niha sanuwagö do genoninia,+
Isulöni zi faʼudu khönia,+
Ba iʼamoniʼö* danö nono mbanuania.”
44 Simane daʼö me tohare Moze wanötöi ngawua zinunö andrö föna niha sato fefu,+ darua ira Hosia*+ ono Nuni. 45 Me no awai ifaʼema fefu wehede daʼö Moze ba ndraono Gizaraʼeli, 46 imane khöra, ”Miʼiröʼö bakha ba dödömi fefu wamangelama nifaʼemagu khömi maʼökhö,+ enaʼö tola mifarou dödö ndraonomi ba wamalua Oroisa daʼa.+ 47 Fefu daʼa tenga ha fehede, hizaʼi faʼaurimi.+ Fefu daʼa tola möi fanganau nosomi ba danö nirabumi dania na no miʼötö Nungo Nidanö Yoridano.”
48 Me luo daʼö göi, imane Yehowa khö Moze, 49 ”Aeʼe miyawa ba Hili Gabari,+ yaʼia daʼö Hili Nebo+ si so ba danö Moabi sangotahögö Yerikho. Fakhölöʼö wamaigi tanö Ganaʼana nibeʼegu dania ba ndraono Gizaraʼeli.+ 50 Mate dania ndraʼugö ba hili daʼö ba laʼorudugö ndraʼugö khö ndra tuau,* simane talifusöu Aʼaroni si mate ba Hili Hori+ ba laʼorudugö ia göi khö ndra tuania. 51 Ba gotalua ndraono Gizaraʼeli, yaʼami zi faröi khögu ba Gumbu Nidanö Meriba+ ba Gadesi, ba Danö si Mate Zini. Lö miʼamoniʼö ndraʼo fönara.+ 52 Ha moroi ba zaröu öʼila danö daʼö, hizaʼi lö möi ndraʼugö ba danö nibeʼegu dania ba ndraono Gizaraʼeli.”+