Sinunö
Sinunö Gasafo.+
79 He Lowalangi, no lasuwö nono mbanuamö* ira soi böʼö;+
No lataʼunöisi gosalimö niʼamoniʼö;+
No labaliʼö akhökhöla Yeruzalema.+
2 Amatela nono mbanuamö labaliʼö ö wofo ba dalu mbanua
Simanö göi nagole genonimö si lö faröi, labaliʼö balazo gutu ndruʼu ba danö.+
3 Laduwagö ndro nono mbanuamö simane idanö ba zi sagörö Yeruzalema,
Ba lö hadöi niha si toröi ba wogoʼo yaʼira.+
4 Tobali ndraʼaga tandrösa wangoʼaya zi faola omo khöma;+
Laʼoʼaya ba laʼigiʼö ndraʼaga niha ba zi fasuima.
5 He Yehowa, hawaʼara tebato wönumö? Hadia irugi zi lö aetu?+
Hawaʼara tebato hola-hola wönumö si hulö galitö?+
6 Falua wönumö ba soi si lö mangila yaʼugö
Hegöi ba wamatörö si lö moʼangaröfili töimö.+
7 Börö me no lahori Yakobo
Ba no ladudugö mbanuania.+
8 Böi huku ndraʼaga börö zala ndra tuama.+
Aliokö, hakhösi tödö ndraʼaga,+
Börö me no aetu wanötönama.
9 Tolo ndraʼaga, yaʼugö Lowalangi, Sangefaʼö yaʼaga,+
Börö döimö andrö solakhömi;
10 Böi tehegö lamane soi böʼö, ”Hezo Lowalangira?”+
Föna duduma höröma, yaʼaboto ba dödö soi böʼö
Wa no tesulöni ndro nono mbanuamö.+
11 Yaʼöfondrondrongo wangarö-ngarö zi so ba gurunga.+
Ogunaʼö waʼabölöu* sebua ba wangorifi* niha niʼetuʼö hukuma faʼamate.+