Nisura Luka

12 Me owulo niha si hauga ribu faʼato irege oi zara lahundragö gahe nawöra, ibörögö fahuhuo Yesu, si oföna khö ndra nifahaʼönia, ”Miʼangelama ba ragi Warizaiʼo, yaʼia daʼö fawinisa tödöra andrö.+ 2 Fefu zi tobini ahori oroma, ba fefu zi tebai larongo niha ahori laʼila.+ 3 Hadia niwaʼömi ba zogömi-gömi, terongo dania, ba hadia ningöngögömi ba mbateʼe, mufatunö dania föna niha sato. 4 Baero daʼö, uʼombakhaʼö khömi yaʼami si fahuwu khögu,+ böi miʼataʼufi zamunu boto, aefa daʼö tebai ifalua hadia ia.+ 5 Ufatunö khömi haniha zinangea muʼataʼufi. Miʼataʼufi zamunu yaʼami si so faʼabölö ba waniboʼö yaʼami ba Gehena.*+ Uʼombakhaʼö khömi, miʼataʼufi ia.+ 6 Ha dombua kefe loga* mböli ziliwi si lima ngawua lö? Hizaʼi, sambua na so niʼolifugö* Lowalangi.+ 7 Bu högömi manö iʼila hauga rozi.+ Böi miʼataʼufi, abölö tohude ami moroi ba wofo andrö.+

8 ”Umane khömi, dozi haniha zamaduhuʼö yaʼo ba niha,+ ba ifaduhuʼö göi ia Ono niha andrö föna ndra malaʼika Lowalangi.+ 9 Dozi sangosilöʼögö yaʼo ba niha, ba uʼosilöʼögö göi ia föna malaʼika Lowalangi.+ 10 Gofu haniha zi fahuhuo ba wanandrawaisi Ono niha, tola teʼefaʼö. Hizaʼi, sanandrawaisi eheha niʼamoniʼö, ba lö teʼefaʼö.+ 11 Na laʼohe ami ba gangowuloa* hegöi föna ndra samatörö, böi miʼabusi tödö hadia zinangea miwaʼö mazui hewisa wangumaʼö yaʼia,+ 12 ba ginötö daʼö ifahaʼö ami eheha niʼamoniʼö enaʼö miʼila hadia zinangea miwaʼö.”+

13 Aefa daʼö, so samösa moroi ba gotalua niha sato imane, ”He Samahaʼö, waʼö khö gaʼagu ira matua enaʼö ibagi khögu harato zatuama andrö.” 14 Imane khönia Yesu, ”Haniha zamataro yaʼo tobali sanguhuku mazui sangagö talu gotalua khömi?” 15 Aefa daʼö imane khöra, ”Miʼangenanöi ba miʼangelamaisi ngawalö wangisö okhöta niha böʼö.+ Hewaʼae oya harato zi samösa niha, tebai möi fangorifinia daʼö.”+ 16 Itutunö sambua gamaedola, ”So samösa niha si kayo sokhö tanö, oya sibai mbua nowinia. 17 Börö daʼö mangera-ngera ia, ’Lö hadöi naha wangiröʼö bua nowigu andre. Tobali, hadia nifaluagu?’ 18 Imane tödönia, ’Daʼa nifaluagu:+ Ududugö halasagu si no tohöna ba ufazökhi zabölö ebua. Ba daʼö dania uʼiröʼö fefu mbua nowigu hegöi gama-gamagu tanö böʼö, 19 ba umane khögu samösa: ”No oya zi no öʼiröʼö enaʼö omuso dödöu barö zi hauga fakhe. Tola ölau modao-dao saʼae, manga, mamadu, ba omusoiʼö dödöu.”’ 20 Imane khönia Lowalangi, ’He sambö tödö! Bongi andre lahalö nosou. Ba haʼökhö möi nihönamö?’+ 21 Simanö lua-lua zangöhöna harato khönia samösa, hizaʼi lö kayo ia ba wamaigi Lowalangi.”+

22 Aefa daʼö, imane khö ndra nifahaʼönia, ”Andrö uwaʼö khömi: Böi mibusi tödö waʼaurimi,* hadia miʼa, mazui botomi hadia ia miʼonukha.+ 23 Börö me ebua mböli noso moroi ba gö, ba abölö ebua mböli mboto moroi ba nukha. 24 Mifaigi atö gaga. Lö manaru ira ba lö mamasi, lö mangöhöna ira ba halasa, hizaʼi ibalazoi ira Lowalangi.+ Hadia tenga no aröu faehu ami moroi ba wofo?+ 25 Haniha ba gotaluami zi tola mondrouʼö maʼifu* faʼanau nosonia na iʼabusi tödö? 26 Na ba wondrege zide-ide manö tebai mifalua hadia ia, ba hana wa miʼabusi tödö nasa danö böʼö?+ 27 Faigi atö mbunga lili: Lö mohalöwö ira mazui managu, hizaʼi uʼombakhaʼö khömi, lö simane faʼasökhi mbunga andrö nukha Zelomo ba lakhöminia.+ 28 Na simanö Lowalangi wamonukha duʼu andrö ba mbenua, si tumbu maʼökhö ba latunu mahemolu, mendrua manö ami, yaʼami sambö famati! 29 Andrö, böi miʼabusi tödö hadia miʼa ba hadia mibadu, ba böi fawuka dödömi.+ 30 Oi daʼö fefu niforege niha gulidanö andre wangalui. Aboto ba dödö Namami wa moguna khömi daʼö fefu.+ 31 Andrö, böi miböhöli wangalui Famatörö Lowalangi, ba tebeʼe khömi nönö-nönö daʼö dania fefu.+

32 ”Böi miʼataʼufi yaʼami ngawawa si lö atoto,+ noa sa faʼomasi Namami wa ibeʼe khömi Wamatörö andrö.+ 33 Mifamawa haratomi ba bölinia miʼamualagö ba niha.*+ Mifazökhi khömi naha gefe si lö tekiko, yaʼia daʼö harato ba zorugo+ si lö irai ahori. Ba daʼö, tebai ifakiko hama mazui ikharu sanagö. 34 Hezo so haratomö, ba daʼö so dödöu.

35 ”Miʼonukha ba mifaʼanö ami,*+ mihonogöi faböi mate haga wandrumi,+ 36 enaʼö simane sawuyu sombaloi sokhö yaʼira ami sangawuli+ moroi ba walöwa.+ Na tohare ia, itoko mbawandruhö, ba iʼanemaiʼö labokai. 37 Yaʼahowu ndra sawuyu andrö na iʼila sokhö yaʼira wa lö si mörö ira me tohare ia! Sindruhu niwaʼögu khömi, no ifaʼanö ia,* iwaʼö khöra enaʼö modadao föna meza, aefa daʼö ifahatö ia ba möi ia enonira. 38 Na tohare ia ba ginötö wanaro si mendrua* mazui si medölu,* ba iʼila wa lö si mörö ira, yaʼahowu zawuyu andrö! 39 Miʼangeragö daʼa, na iʼila sokhö omo hauga bözi tohare zanagö, lö itehe laboto nomonia.+ 40 Simanö göi, böi tebulö mifaʼanö ami me lö midöna-döna ginötö waʼatohare Nono niha.”+

41 Aefa daʼö imane Fetero, ”He Soʼaya, hadia ha khöma manandrösa gamaedola daʼa mazui ba niha böʼö göi?” 42 Imane Soʼaya Yesu, ”Haniha zindruhunia zohalöwö* si lö faröi ba satua-tua, nifohalöwö zokhö yaʼia ba wondrorogö sohalöwö ba nomonia, ba wameʼe göra ba ginötö si tefaudu?+ 43 Yaʼahowu zawuyu andrö me mohalö-halöwö ia ba ginötö tohare zokhö yaʼia! 44 Sindruhu nifatunögu khömi, sawuyu daʼö nituyu zokhö yaʼia ba wondrorogö fefu haratonia. 45 Hizaʼi, na imane tödönia sawuyu andrö, ’Ara nasa tohare zokhö yaʼo,’ ba ibörögö wamözi awönia sawuyu ira matua hegöi ira alawe ba manga ia, mamadu irege mabu,+ 46 tohare zokhö yaʼia ba ngaluo hegöi inötö si lö idöna-döna, ba abölö-bölö wanguhukunia sawuyu andrö, ifaogö ba naha niha si faröi. 47 Aboto ba dödö genoni daʼö niʼandrö zokhö yaʼia ba lö sa ifaʼanö ia mazui ifalua, börö daʼö wa laböbözi ia.+ 48 Hizaʼi, sawuyu si lö faʼaboto ba dödö ba samalua sala si möi börö wamözinia, labözi ia mato hauga kali manö. Sindruhu, dozi sa haniha zoya labeʼe ba oya göi dania lasugi khönia, ba haniha zoya labeʼe noro dödö ba oya göi dania laʼandrö khönia moroi ba zi toʼölö.+

49 ”Tohare ndraʼo ba wamohola alitö ba gulidanö. Ba hadia nasa zomasido na no mohola galitö? 50 Sindruhunia, hasambalö utörö wamayagö idanö ba fatua lö awai, lö ahono dödögu!+ 51 Hadia miwalinga solohe faʼatulö ba gulidanö wa tohare ndraʼodo? Tenga. Hizaʼi, ba wolohe faʼudusa.+ 52 Iʼotarai iadaʼa, alua waʼudusa ba zi sambua omo. Na so dalima niha, faʼudu zi datölu ba zi darua ba faʼudu zi darua ba zi datölu. 53 Lö khöra fahasara dödö: faʼudu nama khö nononia matua ba faʼudu nono matua khö namania, faʼudu nina khö nononia alawe ba faʼudu nono alawe khö ninania, faʼudu nina matua khö numönönia ira alawe ba faʼudu numönö ira alawe khö ninania matuania.”+

54 Aefa daʼö, imane Yesu ba niha sato, ”Na miʼila ogömi lawuo tanö ba gaekhula, iʼanemaiʼö mimane, ’Alua deu fabaya angi dania,’ ba itörö. 55 Ba na miʼila so nangi moroi raya, mimane, ’Molökhö dania,’ ba itörö. 56 Niha samini tödö, miʼila mibaso dandra barö mbanua hegöi ba danö, ba hana wa lö aboto ba dödömi ngawalö zalua iadaʼa?+ 57 Hana wa lö miʼila mihalö gangetula samösa sanandrösa ba zi sökhi? 58 Duma-dumania, na fao ami niha sangadugö yaʼugö ba miʼondrasi zanguhuku, miʼaliokö miʼasiwai ba gotaluami sagötö fofanömi ba lala, enaʼö lö ibeʼeʼö ba danga zanguhuku, ba moroi ba danga zanguhuku numalö ba danga safi gurunga, lua-luania labeʼeʼö ba gurunga.+ 59 Ufatunö khöu, tebai aefa ndraʼugö moroi ba daʼö fatua lö abuʼa fefu woʼömöu irege ahori fefu loga side-ide* niʼokhögöu.”