Yesaya
54 ”Omusoiʼö dödöu, yaʼugö ira alawe si lö irai moʼono!+
Owua-wuaʼö dödöu ba aʼiki,+ yaʼugö ira alawe si lö morasoi faʼafökhö ba woʼono,+
Börö me oya nono* ndra alawe nitiboʼö
2 ”Eboloʼö naha noseu.+
Bologö nukha nose Lowalangi solakhömi.
Böi taha-taha ndraʼugö, anauʼö tali noseu,
Ba aroʼö wanaruʼö döla-döla nose.+
3 Börö me muʼeboloʼö nola danö khöu, ba gambölö hegöi ba gabera.
Ngaʼötömö dania zorabu soi böʼö,
Toröi ira ba mbanua si no laröi niha.+
4 Böi ataʼufi+ börö me lö teʼailasi ndraʼugö;+
Böi aila ndraʼugö börö me lö afatö dödöu labeʼe;
Öʼolifugö dania waʼailau me awuyu-wuyu ndraʼugö
Ba lö itörö tödöu wangoʼaya me tobali ndraʼugö lakha mbanua.”
5 ”Hulö dania foʼomou*+ Zomböi Solakhömi+ andrö,
Töinia Yehowa samatörö saradadu zorugo;
Niʼamoniʼö andrö Lowalangi ndraono Gizaraʼeli Sangöhöli yaʼugö.*+
Lafotöi ia Lowalangi samatörö ba zi sagörö ulidanö.+
6 No ikaoni ndraʼugö Yehowa, amaedola ndra alawe si no iʼerogö foʼomonia ba sabu tödö,+
Simane ira alawe sangowalu ba waʼawuyu-wuyu si no iröi foʼomonia,” iwaʼö Lowalangimö.
7 ”Uröi ndraʼugö ba zi sabata,
Hizaʼi, uʼohe ndraʼugö mangawuli si fao faʼahakhö dödö.+
8 Ubiniʼö mbawagu khöu ba wönugu andrö, hizaʼi ha ba zi sabata.+
Uhakhösi tödö ndraʼugö si fao faʼomasi si lö faröi irugi zi lö aetu,”+ iwaʼö Yehowa Sangöhöli yaʼugö.*+
9 ”Hulö ba götö Noakhi wamaigigu daʼa.+
Simane me fahölu ndraʼo ba götö Noakhi wa lö saʼae anönö danö idanö,+
Ba no göi fahölu ndraʼo wa lö saʼae mofönudo khöu mazui uhuku ndraʼugö.+
10 Hewaʼae awuʼa hili,
Ba modögö hili-hili,
Lö irai tebulö waʼomasigu khöu,+
Ba lö tebulö waʼaro mbuʼusa ligu sanandrösa ba waʼahono dödö,”+ iwaʼö Yehowa Lowalangi sahakhö tödö khöu.+
11 ”He yaʼugö ira alawe si no tefakao,+ nifadögö nangi, si lö manema fondrara dödö,+
Ubeʼe simi ba wamalaete kara andrö khöu,
Ba ubeʼe gara safiro ba wondrasimö.+
12 Ufazökhi dete göli khöu moroi ba gara mira,
Bawa göli khöu moroi ba gara si takile,*
Ba ola danö maʼafefu moroi ba gara sebua böli.
14 Teʼaroʼö dania wamazökhi yaʼugö ba zindruhu.+
Teʼaröuʼö ndraʼugö moroi ba wamakao,+
Lö ataʼuʼö gofu hadia ia ba lö hadöi samanizi yaʼugö,
Börö me lö ahatö ia khöu.+
15 Na so zanuwö yaʼugö,
Tenga niʼoroisigu daʼö.
Hasambalö kala fefu niha sanuwö yaʼugö.”+
16 Yaʼo zomböi samöbözi siʼöli,
Sowuwusi bo galitö,
Ba samazökhi föda.
Uwöwöi göi niha sangaʼasogö faʼatekiko ba faʼadudu.+
17 Tobali si lö boto* fefu wangöna nifazökhi ba wolawa yaʼugö,+
Ba tola öfaduhuʼö wa fasala dozi lela si faʼudu khöu ba gödo wanguhuku.
Daʼa gondröita ba genoni Yehowa,
Ba no satulö ira ba wamaigigu,” iwaʼö Yehowa.+