5 Moze
34 Iʼotarai ba Danö si Mate Moabi möi Moze miyawa ba Hili Nebo,+ yaʼia daʼö ba zuzu hili Wisiga+ sangotahögö Yerikho.+ Iforomaʼö khönia Yehowa danö daʼö maʼasagörö, iʼotarai Gileadi ofeta ba Dano,+ 2 Nafetali maʼasagörö, tanö Geferai ba Manase, ba fefu danö Yehuda ofeta ba nasi* tanö ba gaekhula,+ 3 Negebi,+ banua si fasui Yoridano,+ daso Yerikho, yaʼia daʼö banua geu khorema ofeta ba Zoara.+
4 Ifuli zui imane khönia Yehowa, ”Daʼa danö nifabuʼugu si no möido ba hölu khö Gaberahamo, Izaʼaki, ba Yakobo nibeʼegu ba ngaʼötöra dania.+ No utehegö khöu wamaigi tanö daʼö, hizaʼi tebai möi ndraʼugö ba daʼö.”+
5 Lö ara, mate ba daʼö Moze enoni Yehowa andrö ba danö Moabi, simane niwaʼö Yehowa.+ 6 Ikoʼo ia Lowalangi ba ndraso danö Moabi sangotahögö Beti-weoro. Samösa lö sangila hezo lewatönia ofeta maʼökhö.+ 7 Mate Moze me 120 fakhe ndröfinia.+ Lö sabösi hörönia ba lö salö waʼabölönia. 8 Laʼeʼesi Moze iraono Gizaraʼeli ba Danö si Mate Moabi. Abu dödöra me no mate Moze ba laʼeʼesi ia 30 hari waʼara.+
9 Fahöna waʼatua-tua Yosua ono Nuni börö me no itufa ia Moze ba ibayoini.+ Ibörögö lafondrondrongo wehedenia iraono Gizaraʼeli ba lafalua fefu zi no iwaʼö Yehowa khö Moze.+ 10 Hizaʼi, lö hadöi saʼae samaʼeleʼö ba gotalua ndraono Gizaraʼeli simane Moze,+ sangokhögö fahuwusa saro*+ khö Yehowa. 11 Simane niwaʼö Yehowa, ifalua Moze ngawalö dandra hegöi sahöli-höli dödö ba danö Miserai föna Waraʼo, fefu zohalöwö khönia, ba soinia maʼasagörö.+ 12 Ifalua daʼö Moze faoma tangania sabölö ba sahöli-höli dödö ba zanehe ndraono Gizaraʼeli.+