Maleakhi
2 ”He yaʼami ira ere, daʼa goroisa nibeʼe khömi:+ 2 Na lö mifondrondrongo ba na lö mifolakhömi döigu soroi ba dödö, hasambalö uʼelifi ami.+ Ubaliʼö fangelifi fefu howu-howu nitemami.+ No ubaliʼö fangelifi howu-howu si no mitema börö me miʼaohasi ba dödö daʼö,” iwaʼö Yehowa samatörö saradadu zorugo.
3 ”Börö ami wa ufakiko danömö si no mitanö.+ Ufazaumba zi taʼunö ba mbawami, yaʼia daʼö si taʼunö gurifö si no mibaliʼö sumange me mifalua gowasa. Mufaogö wamazaumba yaʼami ba zi taʼunö andrö.* 4 Awena dania aboto ba dödömi wa ubeʼe khömi goroisa daʼa enaʼö lö tebulö mbuʼusa ligu ba niha Lewi,”+ iwaʼö Yehowa samatörö saradadu zorugo.
5 ”Ubeʼe mbuʼusa ligu andrö enaʼö iʼataʼufi ndraʼo, ba daʼö zi tobali fangorifi ba fangohahau dödönia. Ifosumange ndraʼo hegöi töigu. 6 Ifaʼema goroisa* sindruhu+ ba lö irai alua ba mbawania wehede si lö atulö. Fahuwu sibai ndraʼaga ba adölö dödönia,+ ba ato niha si no itolo enaʼö mangawuli ba lala si sökhi. 7 Sindruhunia, bewe zi samösa ere zamahaʼö faʼaboto ba dödö, ba moroi ba mbawania terongo menaʼö goroisa,*+ börö me yaʼia nifatenge Yehowa samatörö saradadu zorugo.
8 ”Hizaʼi, no miʼerogö lala andrö. No ato zangerogö oroisa mibeʼe.*+ No mitaʼunöisi mbuʼusa ligu ba niha Lewi,”+ iwaʼö Yehowa samatörö saradadu zorugo. 9 ”Börö daʼö, ato niha si fatuwu khömi ubeʼe ba laʼaohasi ba dödö ami, börö me lö mitörö lalagu ba ebua dödö zambuana ami ba ginötö mifalua goroisagu.”+
10 ”Hadia tenga ha samösa Namada?+ Hadia tenga ha samösa Lowalangi samazökhi yaʼita? Hana wa faoma taʼa mböli nawöda,+ irege tasawö mbuʼusa li ndra tuada? 11 No tobali si manga mböli Yehuda, ba no lafalua zi raʼiö iraono Gizaraʼeli ba Yeruzalema. No iʼoʼaya Yehowa sangomasiʼö niʼamoniʼö*+ ba no mangowalu ia khö nono alawe moroi ba lowalangi böʼö.+ 12 Dozi niha samalua daʼa khö Yehowa hasambalö muhori ira moroi ba nose Yakobo, gofu haniha ia,* hewaʼae ibeʼe zumange khö Yehowa samatörö saradadu zorugo.”+
13 ”So nasa nifaluami. Yaʼami mbörö wa afönu tawa hörö, feʼe ba fangarö-ngarö naha wanunu sumange khö Yehowa. Börö daʼö, lö saʼae omasi ia itema zumange nibeʼemi ba lö fao dödönia gofu hadia ia nibeʼemi.+ 14 Manofu ami, ’Hadia mbörö?’ Börö me no ifaduhuʼö Yehowa wa no faröi ami khö woʼomomi si no mihalö me awuyu ia. Sindruhunia, yaʼia andrö töla nosumi ba foʼomomi si no mufaduhuʼö.*+ 15 Hizaʼi, so göi ösa zi lö mamalua daʼö. Laʼoʼö wanuturu lala geheha niʼamoniʼö. Hadia mbörö? Börö me omasi ira na tobali ono mbanua Lowalangi ngaʼötöra. Andrö, mirorogö dödömi ba böi mifaröi khö woʼomomi ira alawe si no mihalö me awuyu ia. 16 Fatuwu ndraʼo* na fabali zongambatö moloʼö huku,”+ iwaʼö Yehowa Lowalangi Gizaraʼeli, ”hegöi niha samakao awönia,”* iwaʼö Yehowa samatörö saradadu zorugo. ”Mirorogö dödömi ba böi faröi ami.+
17 ”Aföli saʼae Yehowa wamondrondrongo fehedemi.+ Hizaʼi manofu ami, ’Hewisa wa tola aföli ia mabeʼe?’ Mimane, ’Sökhi wamaigi Yehowa niha samalua si lö sökhi, ba omasi ia ba niha simane daʼö,’+ ba mimane, ’Hezo Lowalangi satulö andrö?’”