Yesaya
47 He yaʼugö ono alawe Mbabilona,+
Aeʼe tou ba dadao ba gawu-gawu.
He yaʼugö ono alawe Galedaia,
Ae tou moroi ba dadaomamö ba dadao tou ba danö+
Ba lö irai lawaʼö khöu saʼae sahono-hono ba samaoʼe.
2 Halö gara wogili ba gili hamo darigu.
Bokai mbalu-balu högömö.
Sahoi guʼimö sanau enaʼö oroma gaheu,
Ba ötö nungo nidanö andrö.
3 Lö nukhamö dania,
Ba laʼailasi ndraʼugö.
Ufalua khöu wanguhuku+ ba lö hadöi sanaha yaʼo.*
4 ”Yaʼia zangöhöli yaʼita,*
Niʼamoniʼö andrö Lowalangi ndraono Gizaraʼeli,
Töinia yaʼia daʼö Yehowa samatörö saradadu zorugo.”+
5 Dadao, böi hede-hede ba ae ba zogömi-gömi
He yaʼugö ono alawe Galedaia;+
Lö saʼae lakaoni ndraʼugö Ratu ba Ngawalö Soi.+
6 Mofönu ndraʼo ba nono mbanuagu.+
7 Ömane, ”Hasambalö tobali ndraʼo Ratu sagötö faʼara.”+
Lö öfaigi gamuatamö;
Ba lö öʼangeragö lua-luania.
8 Iadaʼa fondrondrongo, he yaʼugö somasi faʼasana dödö,+
Sodadao ba nahia si lö ametaʼuö, ömane tödöu,
”Ha yaʼo wondrege zabölö, lö hadöi tanö böʼö.+
Lö tobali ndraʼo lakha mbanua,
Ba lö irai taya nonogu.”+
9 Hizaʼi, göna dania ndraʼugö si dombua ngawalö andrö ha ba zi maʼökhö:+
Taya nonou ba tobali ndraʼugö lakha mbanua.
10 Öʼodaligö waʼalösökhimö.
Ömane, ”Lö hadöi sangila yaʼo.”
Faʼaboto ba dödö hegöi faʼatua-tuamö zamaelungu yaʼugö,
Ömane tödöu, ”Ha yaʼo wondrege zabölö, lö hadöi tanö böʼö.”
11 Hizaʼi, alua khöu wamakao,
Ba lö hadöi elemumö si tola manaha yaʼia.*
Alua khöu wangabu dödö, ba tebai ötimbagö daʼö.
Mufakiko ndraʼugö ba zi lö ödöna-döna.+
12 Ogunaʼö manö gelemu hegöi fatahana mboto niʼokhögömö,+
Sangeregesi tödöu iʼotarai waʼide-idemö,
Maʼatö moguna ia khöu;
Maʼatö möi fametaʼu niha böʼö.
13 Erege dödöu börö me ato sibai zanuturu lala khöu.
Yamozizio ira ba laʼorifi ndraʼugö.
Yaʼira zamosumange banua si yawa, sanahö döfi,+
Ba sangombakha hadia zalua khöu ba zi so miföna
Ero na baŵa si bohou.
14 Hulö simane töla wakhe ira.
Ahori akhozi ira ba galitö.
Tebai laʼorifi ira samösa moroi ba waʼaukhu hola-hola galitö andrö.
Tenga bo galitö ba woleu,
Ba tenga ndrundrunga ba mbaho geu enaʼö modadao ita ba zingania.
15 Simane daʼö dania zalua ba niha si fakelemu khöu,
Sangeregesi tödöu iʼotarai waʼide-idemö.
Oi zara fabali ira misa ba nahiara, lö ohitö dödö.
Lö hadöi si tola mangorifi yaʼugö.+