Fangandrö Saohagölö

1. Masuno Yehowa solakhömi,

Möiga ba Zamondrongo Fangandrö.

Muʼaoga khö Razo Samatörö,

Malumöʼöga barö gafimö.

Asese fasala ndraʼaga khöu;

Maʼandrö efaʼö ia khöma.

Do nonomö zo höli yaʼaga.

Fahaʼö ndraʼaga iadaʼa.

2. Ba omuso dödö nikaonimö

Ba golayama wanema haga.

Ba Daromalimö sa maʼila.

Omasi toröi ba gosalimö.

No sahöli dödö niwöwöimö,

No ötolo zambö faʼabölö.

Matemaʼö sa wamatörömö;

Maturiaigö waʼamönamö.

3. Faʼomasiu zomuso dödöma;

Sumangemö itugu mohaga.

Famatörömö oroma khöma,

Lö feʼe lö fökhö faʼamate.

Yesu zangohori si lö sökhi;

Omuso dödö nifahowuʼö.

Anunö angandrö saohagölö,

”Suno Yehowa Razo sebua!”