Hewisa Enaʼö Ohahau Dödö ba zi Sambua Omo?

Faʼomasi, daʼö lala ba wanöndra faʼohahau dödö ba zi sambua omo. Efeso 5:33

Moloʼö goi-goi Lowalangi, tebai ifodombua ndrongania niha, ha samösa woʼomo ira alawe ba ha samösa woʼomo ira matua.

Ira matua iʼomasiʼö ngambatönia ira alawe, ihaogö-haogö ba ihakhösi tödö.

Ira alawe falulu fohalöwö ia khö ngambatönia ira matua.

Moguna laʼoʼö li zatuara iraono.

Böi abao dödömi khö nawömi, böi faröi ami, böi milimo nawömi. Kolose 3:5, 8-10

Taromali Lowalangi zangumaʼö wa moguna khö woʼomo ira matua ba wangomasiʼö foʼomonia ira alawe simane botonia samösa. Simanö göi woʼomo ira alawe moguna ifosumange woʼomonia ira matua.

Tebai mohorö hegöi mamodombua donga, börö me fasala daʼö.

Taromali Yehowa zamahaʼö hewisa lala enaʼö ohahau dödö ba zi sambua omo.