Fanema Li Moroi Ba Zura Niʼamoniʼö

Ulidanö si lö faʼatosasa, hadia tola?

Ato niha si mate ero röfi börö waʼatosasa ba fökhö.[1] Hewaʼae so soi si kayo iadaʼa, hizaʼi ba mbanua andrö ato niha si tosasa.[2] Sura Niʼamoniʼö zanutunö khöda wa faʼatosasa andre no so iʼotarai mböröta.​—Baso Yohane 12:8.

Moguna so wamatörö si sökhi ba gulidanö andre ba wangeheta faʼatosasa. Famatörö daʼa zi tola mangeheta niha moroi ba wasuwöta ba faʼatosasa. No ifabuʼu Lowalangi wa lö aratö mamatörö ia ba gulidanö.​—Baso Danieli 2:44.

Haniha zi tola mangefaʼö niha ba waʼatosasa?

No ifili Yesu Lowalangi si tola mamatörö niha gulidanö. (Zinunö 2:4-8) Iheta waʼatosasa Yesu ba iʼefaʼö niha ba wamakao ba faʼalösökhi.​—Baso Zinunö 72:8, 12-14.

Yesu zi tobali ”Salawa wa Atulö” si no tefaʼeleʼö, si tola mameʼe faʼatulö ba faʼomuso dödö ba niha gulidanö. Niha si teʼorifi ba gulidanö si bohou lafazökhi nomora samösa, owua-wua dödöra ba halöwöra, ba fahöna mbalazo.​—Baso Yesaya 9:6, 7; 65:21-23.