Enaʼö Onekhe ba Wanuriaigö​—Tasura Döi ba Tuho si no Irai Tafatunö ba Niha

Hana wa Moguna: Halöwöda tenga ha asala manuriaigö. Moguna tafuli taʼondrasi niha somasi mamondrongo, ba tafahaʼö ira, ba wo mbuwui tanömö zinanö moroi ba Zura Niʼamoniʼö si no tafazaewe. (Mataiʼo 28:19, 20; I Korindro 3:6-9) Eluahania tafuli taʼondrasi niha si no irai falukha khöda, ba wanuturu lala hadia gabula dödönia si no irai ifatunö, ba wanohugö huhuoda ba zi no numalö. Börö daʼö, moguna tasura döi, ba hadia zi no irai tafatunö na falukha ita ba niha somasi fahuhuo ba Daromali Lowalangi.