Famadumaisi

Fahaʼögö Ba Zura Niʼamoniʼö 1 Mbaŵa si Öfa

”Omasi ndraʼaga mabeʼe mbuku side-ide ba niha ba mbanua andre. [Beʼe khönia mbuku side-ide tuhonia Hadia Nifotöi Sura Niʼamoniʼö? Aefa daʼö beʼe wanofu si so ba ngaʼörö tanö föna. Fatunö khönia wanema li moroi ba zura II Timoteo 3:16, ba farou dödönia wombaso buku side-ide ba ginötö somasi ia.] Ato niha si lö mangila wa no ihenaigö wanema li si tefaudu Sura Niʼamoniʼö. [Foromaʼö khönia wanofu si so ba duho si föföna ba mbuku Manuriaigö.] Buku andre zamatunö khöu hewisa lala wanöndra fanema li ba Zura Niʼamoniʼö si so khöu.”

Turia Somuso Dödö Moroi khö Lowalangi!

”Omasiga falukha khömi ba wangombakha wa sindruhunia tola taʼila hadia gohitö dödö Lowalangi ba zi so miföna. Hadia no irai manofu-nofu ndraʼugö, hadia iheta ita ba gabula dödö andre Lowalangi? [Fondro-ndrongo niwaʼönia.] Buku daʼa zangombakha khöda hezo ayati tesöndra wanema li ba wanofu andrö. [Beʼe khönia mbuku andrö, ba baso ngenoli si föföna ba wamahaʼö numero 1, simanö göi Yeremia 29:11.] Moroi ba ayati daʼa, hadia lö fao dödöu ba gohitö dödö Lowalangi enaʼö ohahau dödöda ba zi so miföna? [Fondro-ndrongo niwaʼönia.] Na omasiʼö, tola öhalö mbuku daʼa. Sakalitö, tola tafatunö zui ngenoli si dua ba wangalui fanema li daʼa, ’Hewisa wangeheta Lowalangi ngawalö wamakao niha gulidanö?’”