Enaʼö Onekhe Ita ba Wanuriaigö​—Tolo Niha Nifahaʼö ba Zura Niʼamoniʼö enaʼö Tedou ba Wamati irege Falulu Faʼauri Ia ba Tebayagö Idanö

HANA WA MOGUNA: Enaʼö iʼomasiʼö Yehowa, niha nifahaʼö ba Zura Niʼamoniʼö moguna lalulu waʼaurira ba tebayagö idanö. (IFet 3:21) Telumöʼö wamatira na tefaudu lala waʼaurira ba falulu faʼauri ira. (Zin 91:1, 2) Ha khö Yehowa falulu faʼauri niha Keriso—tenga ba niha gulidanö, ba halöwö, mazui ba organisasi. Börö daʼö, niha nifahaʼö andre moguna laʼomasiʼö ba lafosumange Lowalangi.​—Rom 14:7, 8.

LALA WAMALUA:

• Me tafahaʼö ia ba Zura Niʼamoniʼö, tutunö wamahaʼö si tola ihalö sanandrösa khö Yehowa. Farou ia wombaso Sura Niʼamoniʼö ero maʼökhö ba ”böi aetu-aetu” mangandrö khö Yehowa.​—ITes 5:17; Yak 4:8

• Farou ia enaʼö so gohitö dödönia ba wamati irege ilulu waʼaurinia ba tebayagö idanö. Tolo göi ia ba wamalua ohitö dödö si gide-ide, simane fameʼe bua gera-era ba gangowuloa mazui manuriaigö ba zi faola omo khönia hegöi ba nawönia wohalöwö. Törö tödöu wa lö ifaso niha Yehowa ba wamosumange yaʼia. Falulu faʼauri no angetula zi samösa niha.​—VMoze 30:19, 20

• Farou niha nifahaʼömö enaʼö ifalalini hadia zinangea ifalalini ba waʼaurinia, enaʼö sinangea tebayagö ia idanö ba möi fangomusoiʼö dödö Yehowa. (Gamd 27:11) Tola manö so khönia gamuata si lö tefaudu mazui si toʼölö ia si tebai iröi. Börö daʼö, moguna mutolo ia enaʼö iheta si tohöna andrö ba iʼonukha niha si bohou. (Ef 4:22-24) Oromaʼö tuho ”Sura Niʼamoniʼö Zombulöʼö Faʼauri” moroi ba mbuku Manuriaigö

• Tutunö khönia waʼohahau dödö nitemamö sagötö öfosumange Yehowa.​—Yes 48:17, 18