Omusoiʼö Dödömö ba Wanötöna Niʼokhögömö

Fanötöna andrö hulö simane sao. (Heb 6:19) Daʼö zanolo yaʼita enaʼö lö awuwu ita ba wamati ba ginötö so mbade sebua. (ITim 1:18, 19) Bade sebua andre tola manö simane faʼafatö dödö, faʼahori gokhöta ba zi sabata, fökhö si lö aetu-aetu, faʼamate niha niʼomasiʼöda, mazui fanandraigö böʼö si möi fangawuwu wamatida.

Famati hegöi fanötöna, daʼö zanolo yaʼita enaʼö tola taʼila howu-howu si no mufabuʼu. (IIKor 4:16-18; Heb 11:13, 26, 27) Andrö, he ba zorugo mazui ba gulidanö so wanötönada, böi aetu taʼangerönusi buʼusa li si no musura ba Daromali Lowalangi. Aefa daʼö, na göna ita fanandraigö, itugu aoha khöda ba wangoromaʼö faʼomuso dödö.​—IFet 1:6, 7.

FAIGI VIDEO OMUSO DÖDÖ BA WANÖTÖNA, BA BEʼE WANEMA LI BA WANOFU-NOFU DAʼA:

• Hana wa no tobali duma-duma si sökhi sinangea taʼoʼö Moze?

• Hadia manö noro dödö woʼomo ira matua ba nomo?

• Hadia manö duho-tuho si tola miʼogunaʼö ba Wamahaʼö zi Sambua Omo khömi?

• Hewisa wanötöna möi fanolomö ba wanaögö famakao si fao faʼafaduhu dödö?

• Hadia nidöna-dönamö ba zi so miföna?