Tolo Nösi Nomou Enaʼö Lö Laʼolifugö Yehowa

Tebeʼe halöwö khö Yeremia ba wamangelama niha Yahudi wa lö aratö lahori ira börö me no laʼolifugö Lowalangira Yehowa. (Yer 13:25) Hana wa tola awuwu wamati nono mbanua andrö? Fongambatö ndraono Gizaraʼeli lö laʼokhögö wahuwusa si sökhi khö Lowalangi. Ba daʼa oroma wa ira matua si tobali högö yomo ba nomo, no laʼosiwawöi mene-mene nisura ba VMoze 6:5-7.

Iadaʼa, fongambatö sangokhögö fahuwusa si sökhi khö Yehowa tola laʼaroʼö mbanua niha Keriso. Ira matua si tobali högö yomo ba nomo tola itolo nösi nomonia enaʼö lö laʼolifugö Yehowa. Lalania yaʼia daʼö na lafalua Wamahaʼö zi Sambua Omo ba ginötö si no latatugöi hegöi ba zi tefaudu soguna ba nösi nomo. (Zin 22:28) Na no aefa lafaigi video ”Taromali Andre . . . Ötanö ba Dödöu”—Fanofu-nofu ba Nösi Nomo, beʼe wanema li moroi ba wanofu-nofu andre:

• Hewisa wa so ösa wongambatö sofozu ba wangasiwai ngawalö gabula dödö salua ero na lafalua famahaʼö zi sambua omo?

• Hadia mbuania na mufalua Wamahaʼö zi Sambua Omo ba ginötö si no tetatugöi hegöi ba zi tefaudu soguna ba nösi nomo?

• Ero na mafalua wamahaʼö zi sambua omo, hadia manö daha-taha khögu, ba hadia nifaluagu ba wangasiwaisi daha-taha andrö?