GIRÖ-GIRÖ SI TOBINI MOROI BA DAROMALI | 1 MOZE 9-11
”Ha Sambua Li Niʼogunaʼö Niha ba zi Sagörö Ulidanö”
Me föna ba Mbabeli, ifakuyu li niʼogunaʼö niha Yehowa irege tefazawili niha si lö moloʼö ba zi sagörö ulidanö. Hizaʼi iadaʼa, iʼosambuaʼö ”ngawawa zato sibai” moroi ba ngawalö soi hegöi li ba laʼogunaʼö ”mbewe si sökhi”, enaʼö ”dozi laʼangaröfi li döi Yehowa, ba enaʼö teʼanö manö ira weʼamöi enoninia”. (Zef 3:9; Fam 7:9) ”Mbewe si sökhi” yaʼia daʼö sindruhu sanandrösa khö Yehowa hegöi ohitö dödönia si so ba Zura Niʼamoniʼö.
Ba ginötö ifahaʼö ia si samösa niha ba li si bohou, lö tobönö na ha itöngöni manö ngawua wehedenia. Moguna göi aboto ba dödönia lala wangera-ngera niha sangogunaʼö li daʼö. Simane daʼö göi, na tafahaʼö ita ba mbewe si sökhi, moguna tabulöʼö lala wangera-ngerada. (Rom 12:2) Lö taböhöli wamalua faʼatebulö andrö, enaʼö so wahasara dödö ba nono mbanua Lowalangi.—1Kor 1:10.