Rorogö Wongambatöu

Ba wamaigi Yehowa, tebai muʼaohasi ba dödö buʼusa li fangowalu. Iwaʼö khö woʼomo ira matua hegöi ira alawe wa lö tola löʼö falemba dödöra khö nawöra. (Mat 19:5, 6) Ato ba gotalua nono mbanua Lowalangi sangokhögö faʼowua-wua dödö ba wongambatö. Hewaʼae simanö, lö hadöi fongambatö soʼahonoa. Hasambalö so gabula dödö. Moguna tatimbagö lala wangera-ngera si toʼölö, wa fasambua hegöi fabali no lala ba wangasiwai abula dödö ba gotalua songambatö. Hadia zi tola lafalua ira niha Keriso ba wondrorogö fongambatöra?

Nehegö si lima ngawalö andre.

1. Rorogö dödömö ba timbagö ngawalö hiburan sangaʼasogö gamuata fohorö si tola mamakiko wongambatöu.​—Mat 5:28; 2Fet 2:14.

2. Aroʼö wahuwusau khö Lowalangi, ba douʼö waʼomasiu ba wangomusoiʼö tödö Lowalangi ba wongambatöu.​—Zin 97:10.

3. Böi tebulö wamohouni amuatamö, ba falua zi sökhi hewaʼae no ide-ide si tola mameʼe omuso dödö ngambatöu.​—Kol 3:8-10, 12-14.

4. Böi tebulö fahuhuo ami khö nawömi si fao famosumange, miwaʼö nösi dödömi.​—Kol 4:6.

5. Beʼe si tobali gömöu khö woʼomou si fao faʼomasi.​—1Kor 7:3, 4; 10:24.

Na ifosumange wongambatönia si samösa niha Keriso, no ifosumange Samazökhi wongambatö yaʼia daʼö Yehowa.

FAIGI VIDEO LÖ TOLA LÖʼÖ ”DATAʼANAUʼÖ GÖLÖDA WAGOHISA”—OʼÖ ZI NO MUFAKHOI, BA BEʼE WANEMA LI BA WANOFU-NOFU DAʼA:

• 

  Hadia manö gabula dödö zalua hewaʼae na awena mongambatö?

• 

  Hewisa goi-goi Zura Niʼamoniʼö ba wanolo niha sorasoi wa lö hadöi saʼae waʼomasi ba wongambatöra?

• 

  Hadia zi no ifakhoi Yehowa ba wongambatö?

• Hadia zinangea lafalua zi sambua fongambatö enaʼö mofozu wongambatöra?