FAʼAURI NIHA KERISO
Hadia No Öforege Wangalui Fanema Li ba Wangandrömö?
Bakha ba Zura Niʼamoniʼö, oya duma-duma wangandrö nifondrondrongo Yehowa. Itugu aro wamati nono mbanua Lowalangi me laʼila hewisa wamondrondrongo Yehowa fangandröra hegöi fanolo nitemara na alua khöra gabula dödö. Börö daʼö, sökhi na tahaogö tatutunö fefu gabula dödöda ba wangandröda ba moguna taʼalui hewisa wameʼe Yehowa fanema li. Tola manö faböʼö wanema li nitemada mazui töra moroi ba niʼandröda. (2Ko 12:7-9; Ef 3:20) Hadia manö zi tola ifalua Yehowa ba wameʼe fanema li ba wangandröda?
Ibeʼe khöda waʼabölö, faʼahono dödö hegöi famati saro ba wanaögö abula dödö.—Fil 4:13
Ibeʼe khöda waʼatua-tua ba wangai angetula si sökhi.—Yak 1:5
Ibeʼe khöda waʼedöna hegöi faʼabölö ba wamalua hadia niʼandröda.—Fil 2:13
Ibeʼe khöda waʼahono dödö na so zabu dödöda.—Fil 4:6, 7
Ibeʼe khöda wanolo, fondrara dödö hegöi famarou dödö moroi ba niha böʼö.—1Yo 3:17, 18
FAIGI VIDEO ”SAMONDRONDRONGO FANGANDRÖ” YEHOWA, BA BEʼE WANEMA LI BA WANOFU-NOFU DAʼA:
Hewisa wa möi fanoloda zalua khö dalifusöda Shimizu na tebai tafalua fefu hadia ia börö me mofökhö ita?
Hewisa woloʼöda duma-duma dalifusöda Shimizu?