Haogö Wangogunaʼö Sura Niʼamoniʼö si No Amaedola Sörömi

Iʼamaedolagö Zura Niʼamoniʼö andrö Yakobo hulö simane sörömi sanolo yaʼita ba wangila hewisa ita zindruhunia. (Yak. 1:​22-25) Hewisa enaʼö tefaudu wangogunaʼöda daʼö?

Haogö wombaso, böi mangaösö-ngaösö. Na ha asala tafaigi ita ba zörömi, tola manö lö taʼila hadia so zinangea taʼehaogö ba mbotoda. Simane daʼö göi, na talafo alio-lio wombasoda Sura Niʼamoniʼö ba ha asala noa wamaluada daʼö, lö taʼila hadia so zinangea tabulöʼö ba waʼaurida. Andrö wa moguna sibai tahaogö wombaso yaʼia.

Osambuaʼö dödömö ba ngawalö zinangea öbulöʼö ba waʼaurimö, tenga ba waʼauri niha böʼö. Itaria, na tafaigi ita ba zörömi, tola manö taʼila lumö-lumö niha böʼö ba zörömi andrö, ba te taʼosambuaʼö dödöda ba wamaigi hadia zinangea laʼehaogö. Simane daʼö göi, na tabaso Zura Niʼamoniʼö, tola manö taʼogunaʼö daʼö ba wangoromaʼö sala nifalua niha böʼö. Lua-luania, lö taʼila hadia zinangea taʼehao mazui tadouʼö ba waʼaurida.

Okhögö lala wangera-ngera si tefaudu. Ba ginötö tafaigi ita ba zörömi ba taʼosambuaʼö dödöda ba wamaigi hadia zi lö omasi ita, tola manö so khöda waʼafatö dödö. Börö daʼö, moguna taʼokhögö lala wangera-ngera si tefaudu ba ginötö tabaso Zura Niʼamoniʼö. Böi olifu ita wa lö iʼandrö khöda Yehowa ba wamalua si lö sagu khöda.—Yak. 3:17.