LALA BA WANAÖGÖ FAʼAFAWUKA WANGERA-NGERA
Hadia Örasoi Waʼafawuka Wangera-ngera?
”Dozi niha hasambalö larasoi waʼafawuka gera-era, hizaʼi urasoi wa abölö fawuka nasa gera-eragu. Oya sibai gabula dödö nitaögögu. Barö zi hauga fakhe andre, urorogö woʼomogu ira matua si göna fökhö sabölö-bölö. Ba tenga ha fökhö ba mboto manö zi göna ia, hizaʼi göna göi ia fökhö wangera-ngera.”—Jill.a
”No iröi ndraʼo foʼomogu ira alawe, ba hatö yaʼo zondrorogö ba wangebuaʼö iraonogu si darua. Abua sibai worasoigu daʼa. Baero daʼö, taya göi lala halöwögu, ba lö ibönö gefegu ba wangehaogö motogu si no tekiko. Abu dödögu ba fawuka sibai gera-eragu irege tumbu ba dödögu wamunu yaʼo. Hizaʼi, uʼila wa fasala daʼö. Andrö wa uʼandrö khö Lowalangi enaʼö ihalö manö nosogu.”—Barry.
Hadia no irai örasoi waʼafawuka wangera-era sabölö-bölö simane nirasoi Jill hegöi Barry? Na yaʼia, tola möi fanolo ba fondrara dödöu majalah andre. Itutunö ba majalah daʼa, hadia manö mbörö wa fawuka gera-era zi samösa niha, hadia lua-luania, ba hadia nifaluada ba wangalösi faʼafawuka wangera-era andrö.
a So ösa zi no mufaböʼöni töi.