4. Hadia Omasi Lowalangi Na Tefakao Ita?
Hana Wa Moguna Taʼila
Fanema li ba wanofu andre zamulöʼö lala wangera-ngerada sanandrösa ba waʼauri.
Angeragö
Ifazökhi ngawalö zi sökhi Lowalangi enaʼö owua-wua dödö niha gulidanö. Na simanö, hadia omasi ia na tefakao ita?
So zangumaʼö wa abula dödö andrö tandra wa (1) lö faʼabölö khö Lowalangi ba wangeheta famakao, (2) lö ilau rörönia Lowalangi, mazui (3) lö hadöi Lowalangi.
Hadia duhu daʼö?
ENAʼÖ ITUGU ÖʼILA
Faigi video Hana Faduhu Dödöda Wa Sindruhu Nösi Zura Niʼamoniʼö? ba jw.org/nia.
Hadia Niwaʼö Zura Niʼamoniʼö
Iwöwöi niha gulidanö Lowalangi tenga enaʼö tefakao.
Omasi ia na ohahau dödöda.
”Wa lö hadöi ia zi sökhi ba khöra, moroi na laʼomusoiʼö dödöra ba na lahaogö-haogö göra, ba götöra ba gulidanö. Ba he na manga-manga niha ba na ibadu-badu hadia ia, na iʼabusoiʼö ia si sökhi ba waʼerege dödönia andrö fefu, ba no buala Lowalangi khönia.”—ZANGOMBAKHA 3:12, 13.
No ibeʼe Lowalangi waʼauri soʼahonoa ba wongambatö siföföna.
Lö omasi ia na tefakao waʼaurira hegöi faʼauri ngaʼötöra.
”Imane khöra [Lowalangi], ’Miʼoʼono ba miʼoyaʼö ami, mifoʼösi gulidanö.’”—1 MOZE 1:28.
Niha si darua andrö lahalö gangetula wa lö moloʼö ira khö Lowalangi.
Lua-luania tenga ha yaʼira zi göna abula dödö, hizaʼi fefu ngaʼötöra.
”Böröta horö andrö, ha samösa niha zamobörö ba faʼamate andrö börö horö, andrö wa ikhamö fefu niha faʼamate börö me no dozi samazökhi horö ira.”—ROMA 5:12.a
Moguna ba niha gulidanö wanuturu lala moroi khö Lowalangi.
Tebai auri niha bakha ba nidanö, simane daʼö göi lö khöda faʼabölö ba wotatugöi töröwada.
”Tebai ifanandrösa mbekania niha sanörö lala.”—YEREMIA 10:23.
Lö omasi Lowalangi na tefakao ita.
Omasi ia na owua-wua dödöda, lö göna ita famakao.
”Enaʼö ötöngöni goroisagu andrö, ba hulö hohou nidanö waʼohahau dödöu.”—YESAYA 48:18.
a Itutunö Sura Niʼamoniʼö wa ”horö” andrö tenga ha amuata si lö sökhi, hizaʼi no niʼokhögö fefu niha.