Haniha Manö zi Faʼudu khö Lowalangi?

Fondrege zi faʼudu khö Lowalangi yaʼia daʼö Afökha Satana. Yaʼia samösa zanandrawaisi samadaö Yehowa. Lö iböhöi Afökha wamadaö Lowalangi ba no tobali famakao sebua ba niha gulidanö. Afaito sibai Zatana andrö. Sebua faya ia ba samunu niha.​—Yohane 8:44.

Ato malaʼika böʼö fao ira khö Zatana ba wanandrawaisi ba wamadaö Lowalangi. Sura Niʼamoniʼö ifotöi ira bekhu. Simane Satana, bekhu andrö si faʼudu ba niha gulidanö. Omasi sibai ira lafaʼala niha. (Mataiʼo 9:32, 33; 12:22) Ihori Zatana ba bekhu andrö Yehowa irugi zi lö aetu. Lö ara tö ginötö niʼogunaʼöra ba wangaʼasogö famakao ba niha gulidanö.​—Famaʼeleʼö 12:12.

Na omasi ndraʼugö tobali si fahuwu khö Lowalangi, tebai ölau hadia zomasi Zatana andrö. Satana ba malaʼikania fatiu sibai ira khö Yehowa. Yaʼira ba si faʼudu khö Lowalangi, ba omasi ira labaliʼö ndraʼugö si faʼudu khö Lowalangi. Akha öfili, haniha zomasi ndraʼugö öʼomusoiʼö tödö—Satana ba ma Yehowa. Na omasiʼö waʼauri si lö aetu, lö tola löʼö öfili wamalua somasi Lowalangi. Oya sibai walimosa Zatana ba lala wamaelungu niha. Iadaʼa ba no ato niha nifaelungunia.​—Famaʼeleʼö 12:9.