FAOSATÖ 4

Hadia Lua-luania—Me Lafondrondrongo Li Satana?

Me lö laʼoʼö niwaʼö Lowalangi ira Adamo ba Khawa, andrö wa mate ira. 1 Moze 3:6, 23

Iʼa mbua geu si no mutegu Khawa ba ibeʼe göi daʼö khö Gadamo

Ifondrondrongo wehede gulö Khawa, iʼa mbua geu andrö. Aefa daʼö, ibeʼe khö Gadamo ba iʼa göi.

Toroi Gadamo ba Khawa ba Waradaiso si tobali nahiara

Fasala nifaluara andrö—daʼö horö. Ifofanö ira Lowalangi moroi ba Waradaiso.

Tosasa waʼaurira hegöi faʼauri ndraonora. Tobali atua ira ba mate. Lö si möi ira ba zorugo mazui ba nahia tanö böʼö. Lö yaʼira saʼae.

Simane gawu-gawu, niha si no mate lö mohanu-hanu. 1 Moze 3:19

Niha moroi ba ngawalö soi ba götö si faböʼö-böʼö

Me ngaʼötö Gadamo ba Khawa ita, andrö wa tatörö waʼamate. Niha si no mate lö laʼila hadia ia, lö larongo li niha, mazui lö halöwö nifaluara.—Sangombakha 9:5, 10.

Samösa ono alawe si no mate ba abu sibai dödö nösi nomonia

Lö omasi Yehowa na mate niha. Ba zi lö ara tö ifuli iʼorifi ira. Na lafondrondrongo linia, lasöndra waʼauri si lö aetu.