FAOSATÖ 8

Hadia Geluaha Khöda Waʼamate Yesu?

Mate Yesu enaʼö tasöndra waʼauri si lö aetu. Yohane 3:16

So ösa ira alawe samaigi löwatö Yesu ba lö bakha botonia

Tölu ngaluo me no aefa mate Yesu, so ösa ndra alawe si möi mamaigi lewatö ba lö bakha botonia. No isusugi ia Yehowa.

Iforomaʼö Yesu khö ndra nifahaʼönia, aefa daʼö manahaö ia ba zorugo

Aefa daʼö iforomaʼö ia Yesu khö ndra nifahaʼönia.

No isusugi ia Yehowa tobali boto eheha sabölö ba lö itörö ia faʼamate saʼae. Laʼila ia ira nifahaʼönia me manahae ia ba zorugo.

Lowalangi zanusugi Yesu enaʼö tobali ia Razo ba Wamatörö Lowalangi. Danieli 7:13, 14

Moroi ba dadaomania ba Wamatörö Lowalangi, mamatörö Yesu ba niha si so ba gulidanö faradaiso

Mate Yesu ba wangöhöli niha gulidanö. (Mataiʼo 20:28) Börö höli nibeʼe Lowalangi, andrö wa tola tasöndra waʼauri si lö aetu.

Yehowa zamataro Yesu tobali Razo samatörö ba gulidanö. Moroi ba zorugo mamatörö Yesu hegöi awönia si 144.000 si lö faröi, nisusugi moroi ba gulidanö sauri ba zorugo. Famatöröra andrö lafotöi ia Famatörö Lowalangi.—Famaʼeleʼö 14:1-3.

Ba Wamatörö Lowalangi dania tobali faradaiso gulidanö andre. Lö fasuwöta, lö faʼalösökhi, lö faʼatosasa, ba lö faʼolofo saʼae. Fefu niha oi owua-wua dödöra.—Sinunö 145:16.