FAMAHAʼÖ 9
Hewisa Lala Wamaʼanö Ngawalö Nifatunö ba Gangowuloa?
Kamboja
Ukraina
Na öfahaʼö ndraʼugö ba Zura Niʼamoniʼö khö ndra Samaduhuʼö Yehowa, tatu manö wa mufaigi sakali hadia duho wamahaʼö. Sökhi na tafalua göi zimane daʼö fatua lö möi ba gangowuloa enaʼö so gunania khöda. Tatema mbua na lö taböhöli ba wamomaha yaʼita.
Tatugöi nahia ba inötö ba wamahaʼö. Hezo ginötö si so khöu faʼahono dödö? Hadia sihulö wongi fatua lö mofanöʼö wohalöwö mazui ba zibongi na no mörö ndraono? He na lö ara ginötö niʼogunaʼöu wamahaʼö Yaʼugö, tatugöi ginötö si tola öʼogunaʼö ba wamahaʼö yaʼugö, ba böi tehegö so zanaha yaʼugö. Alui nahia sahono dödöu, aröuʼö zi tola mangoloiʼö tödöu simane radio, tifi, hape. Angandrö fatua lö öfahaʼö ndraʼugö. Daʼö zanolo enaʼö lö itörö tödöda halöwö tanö böʼö enaʼö so khöda waʼahono dödö ba wamomaha yaʼita ba Daromali Lowalangi.—Filifi 4:6, 7.
Tandra duho wamahaʼö, ba henaigö mbua gera-erau. Si föföna, alui fefu nösinia. Angeraigö duho wamahaʼö mazui faza, alui ngenoli soʼamakhaita ba duhonia, ba faigi gambara awö wanofu si no muhenaigö enaʼö taʼila hadia duhonia. Aefa daʼö, baso ero sambua ngenoli, alui wanema li moroi ba wanofu si no tesura. Bokai ba baso ayati si no tesura ba angeraigö hadia gamakhaita ayati ba nifatunö andrö. (Halöwö Zinenge 17:11) Me no ösöndra wanema li, tandra ngawua wehede ba ngenoli andrö sanolo yaʼugö enaʼö itörö tödöu hadia wanema li. Aefa daʼö, na tola, öbeʼe yawa dangau na inötö owulo ba wameʼe bua gera-erau samösa.
Me oya ngawalö duho nifatunö ba gangowuloa ero migu, itugu tedou waʼaboto ba dödöu nösi Zura Niʼamoniʼö.—Mataiʼo 13:51, 52.
Hadia zi lö tebulö öfalua fatua lö möiʼö ba gangowuloa?
Hewisa wangehenaigö bua gera-era nifaʼemau ba gangowuloa?