Famaehagö Faosatö 7

Nifatunö ba duho daʼa, alua ia sagötö zi 80 fakhe yaʼia daʼö sanandrösa khö Razo Saulo ba Razo Dawido. Ba wamobörö, mangide-ngideʼö Zaulo ba iʼataʼufi Lowalangi. Hizaʼi ba gafuriata lö khönia foloʼö. Fatuwu Yehowa nifaluania, andrö iwaʼö khö Zamueli ba wamataro Dawido tobali razo Gizaraʼeli fogati Zaulo. Afökhö dödö Zaulo, hauga kali edöna ibunu Dawido. Hizaʼi, lö isulöni khönia Dawido. Aboto ba dödö Yonata ono Zaulo wa Dawido nifili Yehowa, andrö wa lö faröi ia khö Dawido. No irai ifalua zala sebua Dawido. Irongo me itegu ia Yehowa. Na so khöu ndraono, tolo ia enaʼö iʼila wa moguna wangataʼufi ba faʼalöfaröi khö Yehowa hegöi ba niha nifilinia.