SINUNÖ 75
”Yaʼe Ndraʼo, Fatenge Ndraʼo!”
Simane si No Mufazökhi
1. Laʼobousi döi Yehowa,
Oya manö niwaʼöra,
”Lowalangi si lö sökhi,
Ba Lowalangi samuʼi.”
Haniha zangamoniʼö?
Haniha zanuno töinia?
(REFREIN 1)
’Yaʼe ndraʼo, fatengedo!
Ba wameʼe khöu fanuno.
Daʼa halöwö solakhömi,
Yae ndraʼo, fatengedo!’
2. Lawaö ahou Lowalangi,
Lö laʼataʼufi ia.
So zamosumange adu,
Sangalulu khö Kaisaro.
Haniha zamangelama,
Me ahatö luo Yehowa?
(REFREIN 2)
’Yaʼe ndraʼo, fatengedo!
Wamangelama yaʼira.
Daʼa halöwö solakhömi,
Yae ndraʼo, fatengedo!’
3. Mangarö zatulö tödö,
Me monönö zi lö sökhi.
Soroi ba dödö laʼalui
Zindruhu hegöi satulö.
Haniha zondrara tödö,
Sameʼe khöra fanolo?
(REFREIN 3)
’Yaʼe ndraʼo, fatengedo!
Ba wamahaʼö yaʼira.
Daʼa halöwö solakhömi,
Yae ndraʼo, fatengedo!’