SINUNÖ 159
Folakhömi Yehowa
1. Yehowa sebua lakhömi,
Lö simane ya’ugö.
Hadia ube’e sulö
Ba wa’omasimö khögu?
Na ufakhölö ndra’odo,
U’ila lakhömimö.
Haniha sibai ndra’odo
Wa ö’ame’egö tödö?
(REFREIN)
He Yehowa, fondrondrongo ligu
Ba wanuno ya’ugö.
Lowalangi ba Razo ndra’ugö
Götö-götö wa’ara.
Ufolakhömi döimö.
2. Khöu wa’aurigu Yehowa,
Ululu sumangemö.
Ututunö lakhömimö
Ba fefu nifaluamö.
Sambua töi sebua khögu
Ba wanuno ya’ugö.
Fangabölögu ndra’ugö
Ba zi sagötö fa’ara.
(REFREIN)
He Yehowa, fondrondrongo ligu
Ba wanuno ya’ugö.
Lowalangi ba Razo ndra’ugö
Götö-götö wa’ara.
Ufolakhömi döimö.
3. Ahöli-höli dödögu
Ba gomböila dangamö.
Oroma wa’omasimö
Ba ngawalö niwöwöimö.
Sahöli-höli dödögu
Wa’atua-tuamö.
Usuno, ufolakhömi
Ba ube’e khöu zumange.
(REFREIN)
He Yehowa, fondrondrongo ligu
Ba wanuno ya’ugö.
Lowalangi ba Razo ndra’ugö
Götö-götö wa’ara.
Ufolakhömi döimö.
(Faigi göi Si. 96:1-10; 148:3, 7.)