LALA BA WAMÖRÖGÖ FAHUHUOSA
FAMAHAʼÖ 6
Faʼabarani
Goi-goi: ”No ibeʼe khöma waʼabarani Lowalangi ba wamaʼema turia somuso dödö khömi.”—1 Te. 2:2.
Hadia Nifalua Yesu?
1. Faigi VIDEO, mazui baso Luka 19:1-7. Aefa daʼö, angeragö wanofu-nofu daʼa:
Hana wa so ösa niha si fatuwu khö Zakaiʼo?
Hana wa lö olohi Yesu wanuriaigö turia somuso dödö khönia?
Hadia Wamahaʼönia Khöda?
2. Böi ataʼu ita ba wanuriaigö Famatörö Lowalangi ba niha fefu.
Oʼö Yesu
3. Odaligö Yehowa. Eheha Lowalangi zameʼe faʼabarani khö Yesu ba wanuriaigö, ba tola göi ibeʼe khöu waʼabarani simane daʼö. (Mat. 10:19, 20; Luk. 4:18) Andrö khö Yehowa waʼabarani na möiʼö manuriaigö mazui na so niha sametaʼu yaʼugö.—Hal. 4:29.
4. Böi huku niha böʼö. Tola manö abua khöu wanuriaigö khö zi samösa niha börö zikhalania, kayo mazui numana ia, börö fakania mazui agamania. Hizaʼi, törö tödöu:
Ha Yehowa hegöi Yesu zi tola mombaso tödö niha, hizaʼi tebai tafalua daʼö.
Tola itolo zi samösa niha Yehowa enaʼö ahatö khönia.
5. Barani hizaʼi atua-tua ba mangelama. (Mat. 10:16) Böi fabuʼa-buʼa. Batogö wahuhuosa si fao faʼasökhi na lö omasi ia ifondrondrongo duria somuso dödö nifaʼemamö mazui na ifetaʼu ndraʼugö.—Amd. 17:14.