MUFULI MUFALUKHAISI
FAMAHAʼÖ 7
Faʼanau Gölö
Goi-goi: ”Lö laböhöli wamahaʼö hegöi ba wanuriaigö turia somuso dödö.”—Hal. 5:42.
Hadia Nifalua Waulo?
1. Faigi VIDEO, mazui baso Halöwö Zinenge 19:8-10. Aefa daʼö, angeragö wanofu-nofu daʼa:
Hewaʼae so wolohi, hadia zangoromaʼö wa anau gölö Waulo weʼamöi manolo niha sadöni tödö?
Hawaʼasese möi Waulo ba wamalukhaisi mangawuli niha sadöni tödö, ba hawaʼoya ginötö niʼogunaʼönia ba wamalua daʼö?
Hadia Wamahaʼönia Khöda?
2. Moguna tatatugöi ginötö hegöi famorege ba wamalukhaisi mangawuli niha sadöni tödö, ba tabörögö khöra wamahaʼö moroi ba Zura Niʼamoniʼö.
Oʼö Waulo
3. Faudugö ginötömö. Sofu khöu samösa: ’Hawaʼara ginötö si tefaudu ba wamalukhaisi yaʼia mangawuli? Hezo so ba hawaʼara tola ifuli fahuhuo ndraʼaga?’ Böi böhöli wangalui lala enaʼö tola öfuli öfalukhaisi ia hewaʼae ambö tefaudu ginötö daʼö ba zomasi ndraʼugö.
4. Milau fazazi. Ba gafuriata wahuhuosami, sofu khönia hawaʼara tola ifuli falukha zui ami. Aefa daʼö, falua zi no özazi.
5. Böi awuwu. Böi waʼö tödöu wa lö adöni dödö zi samösa niha börö me asese lö yaʼia ba nomo mazui börö waʼoya halöwönia. (1 Ko. 13:4, 7) Böi böhöli wamalukhaisi mangawuli niha sadöni tödö, hizaʼi moguna atua-tua ndraʼugö ba wangogunaʼö inötö.—1 Ko. 9:26.