MUBALIʼÖ NIFAHAʼÖ
FAMAHAʼÖ 11
Öna-Öna
Goi-goi: ”Na lö laʼila geluaha wehedemi, hewisa wa aboto ba dödö niha hadia niwaʼömi.”—1 Ko. 14:9.
Hadia Nifalua Yesu?
1. Faigi VIDEO, mazui baso Mataiʼo 6:25-27. Aefa daʼö, angeragö wanofu-nofu daʼa:
Hewisa wangoromaʼö Yesu wa iʼameʼegö tödö ita Yehowa?
Hewaʼae na oya zaboto ba dödö Yesu sanandrösa ba wofo, hizaʼi ha sambua nitutunönia si öna-öna. Hadia nitutunönia? Hana wa tefaudu lala wamahaʼö simane daʼö?
Hadia Wamahaʼönia Khöda?
2. Na taʼogunaʼö lala wamahaʼö salio aboto ba dödö niha, alio tofakha ba dödöra wamahaʼö andrö ba lö olifu ira.
Oʼö Yesu
3. Böi talafo oya huhuomö. Moroi na ötutunö fefu zi no aboto ba dödöu, abölö sökhi na ha tuho si so ba publikasi wamahaʼö ötutunö. Na manofu ndraʼugö ba niha nifahaʼöu ba Zura Niʼamoniʼö, beʼe khönia ginötö ba wameʼe fanema li. Na lö iʼila mazui lö tefaudu wanema linia moloʼö Sura Niʼamoniʼö, fuli beʼe khönia wanofu tanö böʼö sanolo yaʼia ba wanöndra fanema li. Na no aboto ba dödönia, tohugö ba duho aefa daʼö.
4. Fakhai duho wamahaʼö si bohou ba wamahaʼö si no mutaluʼi. Duma-dumania, fatua lö mitohugö wanutunö sanandrösa ba wanusugi, sökhi na öfuli ösofu hewisa mbua gera-erania sanandrösa ba niha si no mate moloʼö si no mifahaʼö yaʼami.
5. Ogunaʼö duma-duma si fao faʼatua-tua. Fatua lö öbeʼe duma-duma, sofu khöu samösa:
ʼHadia tefaudu duma-duma daʼa?’
ʼHadia alio iʼila geluahania?’
ʼNa uʼogunaʼö duma-duma daʼa, hadia toröi ba dödönia wamahaʼö andrö mazui ha itöngöni duma-dumania?’