Fanema Li Moroi Ba Zura Niʼamoniʼö

Hadia simane daʼa manö waʼauri andre?

Hadia no irai manofu-nofu ndraʼugö? Hadia ba waʼauri andre ha fohalöwö, fangowalu, atua aefa daʼö mate? (Yobi 14:1, 2) Itutunö khöda Sura Niʼamoniʼö wa niha sonekhe manö manofu-nofu ira sanandrösa ba waʼauri andre.​—Baso Zangombakha 2:11.

Hadia so geluaha waʼauri andre? Siʼoföna moguna manofu ita, hewisa mböröta waʼauri andre? Na tafaigi hewisa ba wamazökhi mbotoda andre si fao faʼahöli-höli dödö, tola tahalö gangetula wa somböi yaʼita andre fondrege zatua-tua. (Baso Zinunö 139:14.) Na simanö so geluaha waʼauri andre. Ibeʼe khöda wanemali hadia mbörö wa ifazökhi niha gulidanö.

Hadia mbörö wa ifazökhi niha gulidanö?

Ifahowuʼö Lowalangi niha si föföna, ibeʼe khöra halöwö si sökhi. Ohitö dödö Lowalangi enaʼö auri ira sagötö faʼara, lafönui gulidanö, ba labaliʼö gulidanö tobali faradaiso.​—Baso I Moze 1:28, 31.

Lö salua gohitö dödö Lowalangi börö me no lasawö goroisania Adamo ba Khawa. Hewaʼae simanö, hasambalö ifalua gohitö dödönia ba gulidanö. Sura Niʼamoniʼö zangombakha khöda iʼorifi Lowalangi niha si lö faröi khönia, ifalua gohitö dödönia ba gulidanö. Omasi Lowalangi na faʼaurida andre tefaudu ba zomasi ia! (Baso Zinunö 37:29.) Na tafahaʼö ita ba Zura Niʼamoniʼö, aboto ba dödöda hadia gohitö dödö Lowalangi sanandrösa ba gulidanö andre.