Famatimbaisi Zabölö Moguna Sinangea Öfalua
ADIA ömane tödöu wa niha Keriso ndraʼugö? Na yaʼia, no tefarahu ndraʼugö moroi ba zi dua miliar töra niha si so ba gulidanö, 1 moroi ba zi 3 niha zangumaʼö wa yaʼira soloʼö khö Keriso. Iadaʼa, ngahönö agama sangotöi niha Keriso, hizaʼi no tefabali ira börö me lö fagölö wamahaʼöra hegöi fangera-ngerara. Tola manö nifaduhusimö tödö faehu moroi ba nifaduhusi tödö niha Keriso böʼö. Hadia moguna nifaduhusimö tödö? Tatu manö moguna, hizaʼi na öʼoʼö wamahaʼö Keriso si so ba Zura Niʼamoniʼö.
Soloʼö khö Yesu Keriso meföna lafotöi ira ”niha Keriso”. (Halöwö Zinenge 11:29) Lö hadöi töi tanö böʼö nibeʼe khöra, börö me hayaʼira niha Keriso. So khöra wahasara dödö ba woloʼö fefu wamahaʼö högöi niwaʼö Yesu Keriso, Zamasindro Faʼaniha Keriso. Hewisa wamahaʼö ba gosalimö? Hadia faduhu dödöu wa fefu wamahaʼö si so ba gosalimö ifahaʼö wamahaʼö Yesu hegöi nifaduhusi tödö niha Keriso meföna? Hewisa ndraugö ba wotatugöi yaʼia? Hasambua lala enaʼö öʼila yaʼia daʼö ogunaʼö Zura Niʼamoniʼö si tobali dane-danenia.
Angeraigö daʼa: Iʼameʼegö tödö sibai Yesu Zura Niʼamoniʼö börö me Taromali Lowalangi. Lö fatema ba dödö Yesu na so niha zangositengagö wamahaʼö Sura Niʼamoniʼö ba sangofönaiʼö woloʼö nifakhoi niha. (Mareko 7:9-13) Tola tahalö gangetula wa sindruhu-sindruhu soloʼö khö Yesu ira, laʼogunaʼö Zura Niʼamoniʼö si tobali dane-dane waʼafaduhu dödöra. Börö daʼö, dozi niha Keriso moguna lasofu khöra samösa, ’Hadia famahaʼö ba gosaligu tefaudu moloʼö Sura Niʼamoniʼö? Enaʼö öʼila wanemalinia, hadia omasi ndraugö öʼogunaʼö niwaʼö Zura Niʼamoniʼö si tobali dane-dane khöu ba wotimbaisi wamahaʼö ba gosalimö?
Imane Yesu wa famosumangeda Lowalangi enaʼö teʼodane-dane ba zindruhu, ba faʼasindruhu andrö tola tesöndra ia ba Zura Niʼamoniʼö. (Yohane 4:24; 17:17) Imane Faulo wa fangorifida teʼodaligö ba ’waʼaboto ba dödö ziduhu’. (I Timoteo 2:4) Börö daʼö, faʼafaduhu dödöda enaʼö teʼodane-dane ba waʼasindruhu Zura Niʼamoniʼö. Börö me daʼö zi tobali fangorifi nosoda!
LALA WAMAIGI NIFADUHUSIDA TÖDÖ MOLOʼÖ SURA NIʼAMONIʼÖ
Mafarou ndraugö wombaso önö ngawua wanofu ba fanema linia moroi ba Zura Niʼamoniʼö. Fareso ayati Zura Niʼamoniʼö si no tehenaigö, ba angerönusi wanema linia. Aefa daʼö, sofu ba dödöu samösa, ’Hewisa wamahaʼö ba gosaligu tola ufaehusi si no iwaʼö Sura Niʼamoniʼö?
Moroi ba nitutunö andrö tola itolo ndraugö ba wamatimbaisi hadia sabölö moguna sinangea öfalua. Hadia omasiʼö öfatimbaisi wamahaʼö tanö böʼö si so ba gosalimö ba niwaʼö Zura Niʼamoniʼö? Omasi ndra Samaduhuʼö Yehowa wanolo yaʼugö ba wamareso hadia zindruhunia wamahaʼö ba Zura Niʼamoniʼö. Tola ösöndra wamahaʼö ba Zura Niʼamoniʼö si lö muʼandrö kefe mazui tola öfaigi situs Webma ba www.pr2711.com/nia.