Hadia Niwaʼö Zura Niʼamoniʼö?

Hadia nifazökhi niha agama?

SO ÖSA ZI FADUHU TÖDÖ wa agama nisöndra niha; tanö böʼönia göi lamane wa iʼogunaʼö Lowalangi agama ba wanolo niha enaʼö tola ahatö khönia. Hewisa moloʼö yaʼugö?

HADIA NIWAʼÖ ZURA NIʼAMONIʼÖ

So ”zi sökhi wamosumange Lowalangi, si lö si fabaya hadia ia, wamaigi Lowalangi Ama”. (Yakobo 1:27) Agama si lö raʼiö, mazui satulö, moroi khö Lowalangi.

HADIA NASA NIFAHAʼÖ ZURA NIʼAMONIʼÖ KHÖDA

• Enaʼö omuso dödö Lowalangi, sambua agama moguna teʼodane-dane ba waʼasindruhu Zura Niʼamoniʼö.—Yohane 4:23, 24.

• Agama si teʼodane-dane ba nifakhoi niha no zaya-zaya gölö.—Mareko 7:7, 8.

Hadia moguna muʼokhögö agama?

HEWISA MOLOʼÖ YAʼUGÖ?

• Yaʼia

• Löʼö

• Tola manö

HADIA NIWAʼÖ ZURA NIʼAMONIʼÖ

”Ba datafaoma tafaigi nawöda, ba wamarou tödö ba waʼomasi andrö, ba ba mbua-bua si sökhi.” (Heberaiʼo 10:24, 25) Omasi Yehowa na teʼosambuaʼö ba waʼowulo ono mbanuania ba zi sambua ngawawa niʼorganisasi.

HADIA NASA NIFAHAʼÖ ZURA NIʼAMONIʼÖ KHÖDA

• Niha samosumange Lowalangi teʼosambuaʼö ba nifaduhusira tödö.—I Korindro 1:10, 11.

• Ono mbanua ba agama zomasi Lowalangi so wahasara dödö waʼafatalifusöta ba zi sagörö ulidanö.—I Fetero 2:17.