Na Hulö Arakhagö Aetu Dötönaföda ba Waʼauri

Duma-dumania, Sally,a ba Amerika Serikat. Oya zi taya haratonia me alua nangi fuyu ba mbanuania. Itutunö, ”Tebai utaögö saʼae na monönö gabula dödögu aefa daʼa. Alimbadu ndraʼo.”

Abula dödö tanö böʼö salua ba waʼauri yaʼia daʼö na mate niha niʼomasiʼöda? Imane Janice si toröi ba Australia, ”So darua ndraonogu ono matua. Ba me mate ira, sindruhu-ndruhu lö eluaha waʼaurigu saʼae, amaedola gama-gama si no aboto si tebai muʼowuloi mangawuli. Uʼandrö khö Lowalangi, ’Tebai utaögö saʼae gabula dödö daʼa! Tehegö manö mate ndraʼo. Lö omasido auri.’”

Abulö dödö tanö böʼö yaʼia daʼö simane salua khö Daniel. Fawuka waʼaurinia me faröi khönia woʼomonia. Itutunö, ”Me iʼombakhaʼö khögu foʼomogu wa no ibagi waʼomasinia ba niha böʼö, afökhö sibai dödögu hulö nihökha-hökha mbalatu. Hewaʼae no hauga waŵa ba zilalö alua daʼa, hizaʼi lö si döhö zokho dödögu.”

Hadia gabula dödö nirasoimö iadaʼa? Hadia tola öʼokhögö waʼaterou dödö ba waʼauri andre hewaʼae . . .

• Alua bencana alam

• Mate niha niʼomasiʼöda

• Faröi ngambatöda

• Göna ndraʼugö fökhö sabölö-bölö

• Arakhagö aetu dötönaföda ba waʼauri

Ba majalah Manuriaigö andre, itutunö hadia manö lala si tola öfalua enaʼö lö tebulö öʼokhögö waʼaterou dödö ba waʼauri hewaʼae oya gabula dödö salua.