Sindruhu Sanandrösa ba zi So Miföna
Hadia no irai ökhalaigö faʼauri niha ba zi so miföna? Itutunö ba Zura Niʼamoniʼö wa so dania zalua ba niha fefu ba gulidanö.
Ifatunö khöda Yesu hewisa lalada enaʼö ’aboto ba dödöda wa lö ara tö tohare Wamatörö Lowalangi’. (Luka 21:31) Ifaʼeleʼö hadia manö dania zalua, simane fasuwöta sabölö-bölö, duru danö, lofo sabölö-bölö, hegöi ngawalö wökhö.—Luka 21:10-17.
Aefa daʼö itutunö ba Zura Niʼamoniʼö wa itugu lö sökhi gamuata niha ”ba ngaluo safuria” wamatörö niha gulidanö. Tola öbaso daʼö ba 2 Timoteo 3:1-5. Na no öʼila mbua-bua hegöi nifalua niha iadaʼa, tatu fao dödömö wa atulö niwaʼö Zura Niʼamoniʼö.
Hadia geluahania daʼö fefu? Eluahania ba zi lö ara tö, ibulöʼö gulidanö daʼa Famatörö Lowalangi. (Luka 21:36) No ifabuʼu Lowalangi wa ibeʼe ngawalö zi sökhi ba gulidanö hegöi ba niha. Nehegö duma-duma daʼa.
AMATÖRÖWA SABÖLÖ SÖKHI
”Tebeʼe khö [Yesu] kuaso, sumange ba famatörö, enaʼö dozi niha moroi ba ngawalö soi hegöi li lafosumange ia. Faʼabölönia irugi zi lö aetu ba si lö tebulö, ba lö irai adudu wamatörönia.”—DANIELI 7:14.
Eluahania: Auri ndraʼugö barö wamatörö sabölö sökhi, samatörö fefu niha gulidanö. Ononia zondröniaʼö amatöröwa daʼa börö me yaʼia Razo nifataro Lowalangi.
LÖ HADÖI FÖKHÖ
”Samösa lö si toröi ba daʼö sangumaʼö, ’Mofökhö ndraʼo.’”—YESAYA 33:24.
Eluahania: Lö irai göna ndraʼugö fökhö mazui cacat; sagötö faʼara lö mofökhö ndraʼugö.
FAʼATULÖ BA ZI SAGÖRÖ ULIDANÖ
”Ibatogö wasuwöta ba zi sagörö ulidanö.”—SINUNÖ 46:9.
Eluahania: Lö hadöi saʼae fasuwöta irege lö hadöi niha si tefakao börö wasuwöta.
HA NIHA SI SÖKHI DANIA ZAURI BA GULIDANÖ
”Lö hadöi saʼae niha si lö sökhi . . . Niha si so fangide-ngideʼö zokhö tanö dania.”—SINUNÖ 37:10, 11.
Eluahania: Ha niha soloʼö khö Lowalangi dania sauri ba gulidanö.
SAGÖRÖ ULIDANÖ TOBALI FARADAISO
”Lalau nomo ba toröi ira ba daʼö; lafazökhi kabu nagu, ba laʼa mbuania.”—YESAYA 65:21, 22.
Eluahania: Tobali nahia si sökhi dania gulidanö. Ifalua gohitö dödönia Lowalangi ”ba gulidanö” simane niʼangandröida.—Mataiʼo 6:10.