Famadumaisi
Fogaoni ba Wanörö Tödö Faʼamate Yesu
”Omasiga mabeʼe zura undanga daʼa ba niha fefu. Ba ginötö tölu mbawa si öfa, ato niha ba zi sagörö ulidanö owulo ira ba Wanörö Tödö Faʼamate Yesu. Ba ginötö daʼö so huhuo sebua nifaʼema ba laʼombakhaʼö khöda hadia gunania waʼamate Yesu andrö. Ba zura undanga andre tola öʼila hawaʼara ginötö ba hezo nahia lafalua ia.”
Menara Pengawal 1 Mbaŵa si Tölu
”Fanörö Tödö Faʼamate Yesu tefalua ia tölu mbaŵa si öfa. Ba mbanua si so yaʼita so niha samalua Fanörö Tödö Faʼamate Yesu, ba so göi zi lö omasi wamalua yaʼia. Hewisa moloʼo yaʼugö? Hadia so gunania khöda waʼamate ba fanusugi Yesu andrö? [Fondro-ndrongo wanemalinia.] Datafaigi hewisa niwaʼö Daromali Lowalangi. [Baso I Korindro 15:22, 26.] Ba mbuku andre idunö-dunö hadia gunania khöda höli nibeʼe Yesu ba zi so föna, yaʼia daʼö löhadöi faʼamate.”
Sadarlah! Baŵa si Tölu
”Omasi ndraʼaga mafalukhaisi ami ba nahia andre ba wangoromaʼö sambua buku sawena lafazökhi. [Foromaʼö mbukunia.] Ero samösa niha faböʼö-böʼö wanemali sanandrösa ba wanofu andre ’faʼafaduhu dödö khö Lowalangi—hadia so gunania khöda?’ Moloʼö yaʼugö, haniha zi so fanötöna ba zi so föna, hadia niha si faduhu tödö khö Lowalangi mazui niha si lö faduhu tödö? [Fondro-ndrongo wanemalinia.] So gamabuʼula li Lowalangi si tola mameʼe fanötöna ba niha fefu. [Baso Zinunö 37:10, 11.] Ba mbuku andre so öfa ngawalö gunania khöda nafaduhu dödöda khö Lowalangi.”