Ogunaʼö Mbuku ”Mengenal Isi Firman Allah” na Öbörögö Fahuhuo
1. Hadia mbuku si no tatema sanolo yaʼita ba wamalua halöwö fanuriaigö?
1 Ba wa mobörö buku New World Translation, so duho ”An Introduction to Godʼs Word.” (Mengenal Isi Firman Allah) Ösinia ösa lafuli lafaʼanö ba zi sambua buku side-ide ni ombakhaʼö ba gangowuloa sebua ”Miʼofönaiʼö Wangalui Banua Lowalangi”. Hewisa wangogunaʼöda buku andre na tabörögö fahuhuo ba niha? Buku andre tola itolo ita enaʼö lö atau na möi manuriaigö börö me no tefaʼanö duho ba ayati Zura Niʼamoniʼö khönia, simane buku Bertukar Pikiran.
2. Hewisa wangogunaʼöda buku ”Mengenal Isi Firman Allah” na manuriagö?
2 Tola öfili wanofu numero 8 imane, ”Omasi ndraʼaga falukha khömi ba nahia andre börö me ato niha sanofu-nofu ba ginötö andre, ’Hadia Lowalangi zameʼe famakao ba niha?’ [Ba mbanua böʼö, so zomasi na lafabasoʼö khöra wanofu moroi ba mbuku side-ide andre.] Hewisa moloʼö yaʼugö? [Fondro-ndrongo wanema linia.] Sura Niʼamoniʼö no ihenaigö wanema li moroi ba zi nofu andrö.” Baso sambua ayati Zura Niʼamoniʼö mazui töra ba fatunö khönia hadia geluahania. Na omasi zokhö omo, tola öʼoromaʼö wanofu si 20 ba ngaʼörö 1 ba sofu khönia hadia duho somasi ia enaʼö tola tafuli möi khönia ba wanema li. Mazui tola öbeʼe khönia mbuku so amakhaita moroi ba duho sawena tafatunö.
3. Hewisa wangogunaʼöda buku ”Mengenal Isi Firman Allah” ba mbanua si tenga niha keriso?
3 Fanofu numero 4 ba 13-17 tola taʼogunaʼö namöi ita manuriaigö ba mbanua si tenga niha keriso. Duma-dumania, tola öʼogunaʼö nösi ba wanofu si 17 ba ömane, ”Omasi ndraʼaga falukha khömi ba wangandrö bua gera-erami. Hadia fao dödöu wa oya ngawalö gabula dödö salua ba zi sambu-sambua omo ba ginötö andre? [Fondro-ndrongo wanema linia.] Ato zongambatö zi faduhu tödö ba wehede daʼa ”ira alawe, enaʼö na iʼataʼufi ndra matua.” [Lö moguna öwaʼö, daʼö tehalö moroi ba Efeso 5:33. Na talifusö ira matua fahuhuo ia khö ndra alawe, tola ötötöi ngawua wehede moroi ba Efeso 5:28.] Moloʼö yaʼugö hadia sökhi na tafalua ayati si no tesura andre?”
4. Hadia zinangea öwaʼö ba gafuriata wehedemö na fahuhuo ndraʼugö ba zi tenga niha keriso?
4 Ba gafuriata huhuo, tatugöi ginötö enaʼö tola öfuli möi khönia ba wamatunö ayati böʼö moroi ba wanofu si no öbeʼe. Na no tefaudu ginötö, tola öfatunö khö zokhö omo wa fehede daʼa moroi ba Zura Niʼamoniʼö. Beʼe mbuku sadöni dödönia so amakhaita ba duho si no irai öfatunö ba hewisa wangera-ngerania sanandrösa ba Zura Niʼamoniʼö.—Faigi Pelayanan Kerajaan Kita ba mbaŵa si Felendrua 2013, ngaʼörö 4 ba 5.