Famadumaisi

Fahaʼögö Ba Zura Niʼamoniʼö 1 Mbaŵa si Lima

”Hadia wangabu dödö somasiʼö alio aheta ba gulidanö andre? [Fondro-ndrongo niwaʼönia.] Moloʼö Sura Niʼamoniʼö, ba zi lö aratö iheta fefu ngawalö gabula dödö andre Lowalangi. [Fili ayati si tefaudu tola öbaso Danieli 2:44; Gamaedola 2:21, 22; Mataiʼo 7:21-23; mazui II Fetero 3:7.] Buku Manuriaigö daʼa ifatunö khöda hawaʼara ba hewisa wamalua Lowalangi dania daʼö ba gulidanö andre.”

Turia Somuso Dödö Moroi khö Lowalangi!

Tandraigö Falua: ”Omasiga maʼombakhaʼö khömi zui hewisa lala ba wamahaʼö ba Zura Niʼamoniʼö. Ba mbuku daʼa so 15 duho wamahaʼö sangombakha khöda hewisa enaʼö tasöndra wanema li ba Zura Niʼamoniʼö moroi ba wanofu-nofuda. [Foromaʼö khönia guli mbuku ngaʼörö tanö föna ba ngaʼörö tanö furi.] Hadia no irai öʼalu-alui geluaha Zura Niʼamoniʼö? [Fondro-ndrongo niwaʼönia.] Aoha wamalua famahaʼönia, da ufatunö khöu. [Fatunö ngenoli si föföna moroi ba wanofu si tölu ba wamahaʼö numero tölu, ba baso Wamaʼeleʼö 21:4, 5. Na tola, fatunö ngenoli aefa daʼö ba ayati si so tandra ”Baso”.] Na omasiʼö, maröi khöu mbuku daʼa. Mafarou dödöu enaʼö ötandraigö wamahaʼö yaʼugö ba Zura Niʼamoniʼö, hewaʼae na ha sakali. Ba naʼomasiʼö tola ötohugö zui. Sakalitö, tola tafatunö wamahaʼö si oföna. Lö oya-oya ngenolinia.”