PERPUSTAKAAN ONLINE Manuriaigö

PERPUSTAKAAN ONLINE

mwb16 Mbaŵa si Öfa nga’örö 3
Mamarou ba Mangaʼaroʼö Tödö Niha Böʼö si Fao Fehede si Sökhi

Faʼauri Niha Keriso ba Fanuriaigö—Waö-Waö Halöwö ba Gangowuloa (2016)

mwb16 Mbaŵa si Öfa nga’örö 3

GIRÖ-GIRÖ SI TOBINI MOROI BA DAROMALI | YOBI 16-20

Mamarou ba Mangaʼaroʼö Tödö Niha Böʼö si Fao Fehede si Sökhi

Fehede niha sameʼe mene-mene enaʼö si möi fangaʼaroʼö tödö niha böʼö

Abu dödö Yobi ba awai nirasa dödönia, börö daʼö moguna wondrara dödö moroi ba niha böʼö
Lö terara dödö Yobi ba huhuo nawönia si datölu. Lafobahulu ia ba lanönö wangabu dödönia

Fehede si lö sökhi moroi khö Mbilidado tobali fangafökhöiʼö dödö Yobi

Iʼandrö Yobi khö Lowalangi enaʼö aefa ia moroi ba wamakao—irege iʼandrö waʼamatenia
Lö mangoloi dödö Yobi ba wanötönania sanandrösa ba wanusugi niha si no mate ba ihalö gangetula enaʼö lö faröi ia

Fahuhuo Gelifasi khö Yobi simane me fahuhuo Mbilidado hegöi Zofari

SAMOBAHULU YOBI

Elifasi:

Te moroi ba mbanua Demana ia, si so ba Gedomo. No tesura ba Yeremia 49:7 wa moroi ba Demana so waʼatua-tua Gedomo
Yaʼia ’zondrara tödö’ salawa döfi moroi ba gotaluara si datölu ba sabölö oya fahuhuo. Elifasi andrö zi oföna fahuhuo. Tölu kali ifaʼema niwaʼönia, anau huhuonia moroi ba nawönia si darua

Huhuo si lö duhu niböbögönia:

Iʼoʼaya waʼalöfaröi Yobi ba iwaʼö wa aombö dödö Lowalangi ba nono mbanuania (Yob 4, 5)
Ifotöi Yobi niha si fayawa, si lö sökhi, ba lö khönia faʼataʼu khö Lowalangi (Yob 15)
Iböbögö khö Yobi zi lö duhu wa ha tana khönia niʼaluinia, lö khönia faʼatulö, ba yaʼia niha si lö moguna khö Lowalangi (Yob 22)

Bilidado:

Samösa ngaʼötö Zua. Toröi ia ba zinga Nidanö Oiferati
Yaʼia zi fahuhuo fanete Gelifasi. Tölu kali ifaʼema huhuonia no adogo-dogo ba afökhö huhuonia moroi ba huhuo Gelifasi

Huhuo si lö duhu niböbögönia:

Imane wa no niha sebua horö Yobi hegöi nononia, andrö wa sinangea mate ndraononia ba Yobi samösa niha si lö mangataʼufi Lowalangi (Yob 8)
Imane wa Yobi andrö samalua horö (Yob 18)
Zaya-zaya gölö waʼalöfaröi niha (Yob 25)

Sofari:

Samösa moroi ba mbanua Naʼama sahatö ba ndrawa Ara
Yaʼia zi fahuhuo fanete zi darua ba abölö afökhö huhuo niböbögönia moroi ba ndra awönia. Ha dua kali fahuhuo ia

Huhuo si lö duhu niböbögönia:

Imane wa si lö karua huhuo Yobi ba ifarou enaʼö iröi gamuatania si lö sökhi (Yob 11)
Ifobahulu Yobi wa yaʼia niha si lö sökhi ba somasi mamalua horö (Yob 20)