Lala Wangogunaʼö JW Library

BA WAMAHAʼÖ:

• Baso Zura Niʼamoniʼö hegöi ayat harian

• Baso Buku Tahunan, majalah, ba publikasi tanö böʼö. Ogunaʼö Penanda (Bookmark)

• Faʼanö ndraʼugö fatua lö möi ba gangowuloa, ba tandrai hezo wanema linia

• Faigi video

BA GANGOWULOA:

• Alui ayati nitötöi zangolohesi huhuo. Ogunaʼö Riwayat (History) enaʼö ösöndra ayati si bohou öbaso

• Moroi na oya öʼohe mbuku ba gangowuloa, ogunaʼö perangkat elektronik si so khöu enaʼö tola öʼosisiʼö waö-waö halöwö ba gangowuloa hegöi sinunö. Ba JW Library no tefaʼanö zinunö si bohou si lö mufaʼanö ba zi sambua buku

BA WANURIAIGÖ:

• Foromaʼö fazambua hadia zi so ba JW Library ba niha sadöni tödö. Aefa daʼö, tolo ia enaʼö i-download aplikasi faoma publikasi ba perangkatnia samösa

• Ogunaʼö fitur Cari (Search) enaʼö ösöndra ayati Zura Niʼamoniʼö

• Foromaʼö video. Na so niha nifalukhaisida si so iraono, futa sambua video Tobali si Fahuwu khö Yehowa. Mazui tola öfuta video Hana Wa Moguna Tafahaʼö Ita ba Zura Niʼamoniʼö? enaʼö adöni dödö zokhö omo ba wamahaʼö yaʼia ba Zura Niʼamoniʼö. Na fahuhuo zokhö omo ba li tanö böʼö, ombakhaʼö khönia video ba li niʼogunaʼönia andrö

• Oromaʼö ayati ba li tanö böʼö si no ö-download. Bokai ayati, klik numero ayati, ba fili tombol ba wangoromaʼö li tanö böʼö ba ayati andrö