Tola Tasuno Lowalangi Na Ahono Dödöda ba zi No So

Iadaʼa, oya ngawalö zameʼe abua waʼaurida. Ahori ginötö hegöi faʼabölöda ba wowöli, famuʼa, fangogunaʼö, fangehaogö, hegöi ba wondrorogö gama-gamada. Börö me ahono dödö Yesu ba zi no so, lö ahori ginötönia ba waʼoya gama-gama, irege tola iʼosambuaʼö wangera-ngerania ba halöwö fanuriaigö.​—Mat 8:20.

Hewisa lala enaʼö tola ahono dödöu ba zi no so ba tola ödouʼö ginötö ba halöwö fanuriaigö? Hadia tola mihaogö wanutunö ba nomo enaʼö so zi tola merintis ba gotaluami? Na no öhalö halöwö safönu inötö, hadia itugu abua lala waʼaurimö ba waʼoya gokhöta? Na ahono dödöda ba zi no so, tola owua-wua dödöda ba wamosumange Yehowa.​—ITim 6:7-9.

Sura ba daʼa zi tola öfalua enaʼö ahono dödömö ba zi no so.