Owua-wuaʼö Dödömö Wanemaʼö Yaʼira

Haniha nitemaʼöda? Fefu niha zangondrasi angowuloada, he niha sawena möi hegöi si fahuwu khöda ba zilalö. (Rom 15:7; Heb 13:2) Tola manö yaʼira andre ira talifusöda moroi ba soi böʼö mazui niha Keriso si no mamöhöli halöwö ba wamati ba zi hauga fakhe silalö ba ifuli iʼondrasi gangowuloada. Khalaigö hewisa dödöu na yaʼugö daʼö. Tatu öʼandrö sibai saohagölö na latemaʼö ndraʼugö si fao faʼowua-wua dödö. (Mat 7:12) Börö daʼö, dataforege wamalukhaisi hegöi wanemaʼö niha sangondrasi Balai Mbanua Lowalangi fatua lö mubörögö hegöi na no awai gangowuloa. Daʼa zangaʼasogö faʼowua-wua dödö, faʼomasi, ba möi famosumange Yehowa. (Mat 5:16) Tatu manö, lö fakhamö fahuhuo ita fefu ba niha sangondrasi. Hewaʼae simanö, na taforege ba wamalua yaʼia, tola owua-wua dödö niha sangondrasi.a

Tatu manö, ero inötö tatemaʼö niha si fao faʼowua-wua dödö, tenga ha na inötö Fanörö Tödö. Na laʼila ba larasoi niha sawena möi hewisa waʼomasi niʼokhögö niha Keriso, tola tefarou dödöra ba wanuno Lowalangi ba fao ira khöda ba wamosumange yaʼia.​—Yoh 13:35.