Hana Wa Moguna Öʼameʼegö Tödö Wamosumange Satulö?

Tefarou dödö niha Yahudi si no muʼoloiʼö ba gangilata Hezekieli sanandrösa ba gosali börö me daʼö zameʼe khöra dötönafö wa hasambalö tebohouni wamosumange satulö. Ba götö safuria andre, famosumange satulö tobali ”fondrege zalawa hili, yawa hili-hili andrö fefu”, ba no tefarahu ita ba gotalua fefu soi samalua daʼö. (Yes 2:2) Hadia asese öʼangeraigö waʼatohude niʼokhögömö börö me öʼila ba öfosumange Yehowa?

HOWU-HOWU MOROI BA WAMOSUMANGE SATULÖ:

• 

  Fahöna gö ba wamati sameʼe fanema li moroi ba wanofu-nofu si tohude ba waʼauri, goi-goi si sökhi ba waʼauri, hegöi dötönafö si no tatu.​—Yes 48:17, 18; 65:13; Rom 15:4

• Faʼomasi ba gotalua waʼafatalifusöta ba zi sagörö ulidanö.​—Zin 133:1; Yoh 13:35

• Möi fangomusoiʼö dödö halöwö si tohude tobali si falulu fohalöwö khö Lowalangi.​—Hal 20:35; IKor 3:9

• ”Faʼohahau dödö andrö, khö Lowalangi” möi fangaroʼöda sagötö so wanandraigö.​—Fil 4:6, 7

• Tödö si lö sinegu.​—IITim 1:3

• ’Fahuwusa saro khö Yehowa.’​—Zin 25:14

Hadia lala si tola ufalua ba wangoromaʼö wa uʼameʼegö tödö wamosumange satulö?