GIRÖ-GIRÖ SI TOBINI MOROI BA DAROMALI | LUKA 10-11
Amaedola Sanandrösa ba Niha Zamaria si Sökhi Tödö
Itutunö Yesu gamaedola daʼa ba wameʼe fanema li moroi ba wanofu, ”Haniha zindruhunia nawögu andrö?” (Luk 10:25-29) Aboto ba dödö Yesu wa ”moroi ba ngawalö soi” dania zi so ba mbanua niha Keriso, farahu ba daʼö niha Zamaria hegöi niha Baero. (Yoh 12:32) Amaedola daʼa zamahaʼö ira soloʼö khönia wa moguna laforomaʼö waʼomasi ba niha böʼö, hewaʼae na faehu moroi khöra niha andrö.
SOFU KHÖU SAMÖSA:
’Hewisa dödögu khö ndra talifusö si faböʼö budaya khögu?’
’Hadia ha ba niha si fagölö-gölö khögu oya uʼogunaʼö ginötö ba wariawösa?’
’Hadia uʼeboloʼö wamokai tödögu enaʼö itugu aboto ba dödögu ndra talifusö si faböʼö waö-waö waʼauri moroi khögu?’ (2Kor 6:13)
Haniha zomasi ukaoni . . .
wefao khögu manuriaigö?
wemanga ba nomogu?
enaʼö fao ba mbongi Wamahaʼö zi Sambua Omo nifaluama?